Klajda Gjosha: Të rinjtë e Ballkanit
Perëndimor, ambasadoret për BE

Ministrja e Intergrimit Europian gjatë konferencës “Një e ardhme më e mirë për Rininë në Ballkanin Perëndimor” e zhvilluar në Bruksel, u shpreh se të rinjtë janë ambasadoret me të mire për tu integruar në Bashkimi Europian dhe për të krijuar lidhje të forta mes shteteve.
 
Ajo theksoi se të rinjtë e Ballkanit duhen mbështetuar që të angazhohen për të ardhmen e vendit të tyre, pasi pa ta nuk mund të ketë progres një vend europian. Për këtë arsye Gjosha bëri apel që të gjithë vendet e Ballkanit Perëndimor tu japin prioritet të rinjve duke i cilësuar si e tashmja dhe e ardhmja e çdo kombi.
 
Sipas ministres, rol të rëndësishëm për integrimin e vendit dhe intergrimin e të rinjve është arsimi dhe formimi i tyre professional. Gjosha theskoi se është detyrim dhe përgjegjësi e politikbërësve dhe përfaqësuesve të qeverisë të motivojnë të rinjtë që të angazhohen maksimalisht, sepse pa ta nuk mund të ketë progres në asnjë vend europian.



Redaksia Online
Al.N/Shqiptarja.com