POP 5

Lajmet më të lexuara të 5 minutave të fundit

Arkiva

KLD, debate Topi – Halimi
Votohet dorëheqja e Spahiut

8 prej anëtarëve kanë votuar pro dorëheqjes, mes të cilëve edhe presidenti Topi, kryetari i KLD, ndërsa 6 të tjerë kundër. Burime nga KLD bënë me dije se gjatë mbledhjes ka patur debate të ashpra sa i përket pranimit të dorëheqjes së Spahiut. Mësohet se ministri i Drejtësisë Eduard Halimi ka kërkuar në emër të mazhorancës të mos pranohet dorëheqja e zëvendëskryetarit të KLD-së, me qëllim që të jetë Parlamenti ai që ta shkarkojë Kreshnik Spahiun.
KLD, debate Topi – Halimi<br />Votohet dorëheqja e Spahiut
TIRANË – Këshilli i Lartë i Drejtësisë voton mes debatesh dorëheqjen e paraqitur tre ditë më parë nga zëvendëskryetari, Kreshnik Spahiu. 8 prej anëtarëve kanë votuar pro dorëheqjes, mes të cilëve edhe presidenti Topi, kryetari i KLD, ndërsa 6 të tjerë kundër. Burimet pranë mbledhjes së zhvilluar me dyer të mbyllura thanë për Shqiptarja.com se votimi është shoqëruar me debate mes ministrit të drejtësisë Eduard Halimi dhe presidentit Bamir Topi. Ministri nuk ka pranuar dorëheqjen e Spahiut dhe nuk ka dashur të votojë për të, duke këmbëngulur se është Kuvendi ai, i cili ka nisur tashmë procedurën e shkarkimit për ish numrit dy të KLD. Por, sipas kreut të shtetit, dorëheqja është vendim individual i çdo titullari institucioni. Por, anëtarët e KLD-së me shumicë votash kanë hedhur poshtë kërkesën e ministrit Halimi duke mbështetur aktin e ish-zëvendëskryetarit të KLD-së, Kreshnik Spahiu.

VENDIMI ZYRTAR
Në vendimin e zbardhur nga KLD, pak orë pas mbledhjes thuhet: "Këshilli, vendosi deklarimin e mbarimit të mandatit para afatit të anëtarit të Këshillit të Lartë të Drejtësisë, Z. Kreshnik Spahiu, me shkak dorëheqjen prej tij, si dhe referimi në Kuvendin e Republikës së Shqipërisë të nevojës së plotësimit të vendit vakant."
Bëhet e ditur se për çështje administrative të institucionit Presidenti ka ngarkuar si person përgjegjës kryeinspektoren e këtij këshilli, Valbona Vata.


DOREHEQJA
Ish-Zëvendëskryetari i Këshillit të Lartë të Drejtësisë, Kreshnik Spahiu dha dorëheqjen nga posti i tij të premten e shkuar më 10 shkurt, për t’i hapur rrugë shqyrtimit në Gjykatën Kushtetuese të konfliktit të hapur mes tij dhe Kuvendit. Spahiu i dorëzoi dorëheqjen e tij të parevokueshme Presidentit të Republikës, Bamir Topi, duke nënvizuar se do t’i drejtohet Gjykatës Kushtetuese për të zgjidhur mosmarrëveshjen mes pushtetit legjislativ dhe pushtetit gjyqësor, të iniciuar me kërkesën për shkarkimin e tij nga Kuvendi. Sipas Spahiut, Kuvendi me ngritjen e komisionit hetimor për shkarkimin e tij ka shkelur kompetencat ligjore të vet Këshillit të Lartë të Drejtësisë

(aq/shqiptarja.com)

  • Sondazhi i ditës:

    Pse po tërhiqen kandidatët e Partisë Demokratike?

Lajme të tjera



×

Lajmi i fundit

Samiti për demokraci, Osmani thirrje vendeve që nuk e njohin Kosovën: Njihni shtetësinë tonë! Do fitoni aleat të përkushtuar, jo vetëm një vend mik

Samiti për demokraci, Osmani thirrje vendeve që nuk e njohin Kosovën: Njihni shtetësinë tonë! Do fitoni aleat të përkushtuar, jo vetëm një vend mik

29 Mars, 17:20