POP 5

Lajmet më të lexuara të 5 minutave të fundit

Arkiva

KLD dërgon në Gjykatën Kushtetuese ligjin për KLD-në dhe Shkollën e Magjistraturës

TIRANË, 12 Shtator/ATSH/-Këshilli i Lartë i Drejtësisë vendosi sot që t’i drejtohet Gjykatës Kushtetuese për dy ligjet e miratuara nga Kuvendi, sic është ligji “Për organizimin dhe funksionimin e Këshillit të Lartë të Drejtësisë” të ndryshuar  dhe ligji  “Për shkollën e magjistraturës”, të ndryshuar”. Në mbledhjen e sotme të drejtuar nga Zëvendëskryetari Elvis Çefa, të […]
TIRANË, 12 Shtator/ATSH/-Këshilli i Lartë i Drejtësisë vendosi sot që t'i drejtohet Gjykatës Kushtetuese për dy ligjet e miratuara nga Kuvendi, sic është ligji "Për organizimin dhe funksionimin e Këshillit të Lartë të Drejtësisë" të ndryshuar  dhe ligji  "Për shkollën e magjistraturës", të ndryshuar".
Në mbledhjen e sotme të drejtuar nga Zëvendëskryetari Elvis Çefa, të gjithë anëtarët e pranishëm evidentuar probleme të theksuara kushtetutshmërie në këto dy ligje. Në diskutimet e tyre anëtarët e Këshillit theksuan njëzëri se ligjet cënojnë kompetencat thelbësore të KLD. Në përfundim të diskutimeve anëtarët e Këshillit vendosën që t'i drejtohen Gjykatës Kushtetuese për të kundërshtuar ato pjesë të ligjit që cënojnë drejtpërdrejtë funksionimin dhe kompetencat e KLD-së dhe parimin kushtetues të ndarjes dhe balancimit ndërmjet pushteteve ligjvënës, ekzekutiv dhe gjyqësor.
Gjithashtu, në mbledhje u diskutua lidhur me procesin e emërimit te kryetarëve në gjykatat administrative të shkallës së parë në Durrës, Korçë, Vlorë, Gjirokastër dhe Shkodër. Pas rrahjes së mendimeve, Këshilli vendosi shpalljen e vendeve vakante për funksionin e kryetarit në gjykatat administrative të shkallës së parë në Korçë, Vlorë, Gjirokastër dhe Shkodër. Gjithashtu për t'i dhënë mundësi të gjithë gjyqtarëve të emëruar së fundmi në Gjykatën e Administrative të Shkallës së Parë Durrës, Këshilli vendosi të rishpallë vendin vakant për funksionin e kryetarit në këtë Gjykatë.
Këshilli, shqyrtoi gjithashtu projekt-aktet përfundimtare të vlerësimit, për vitet 2007-2009, të Kryeinspektorit të Inspektoratit të Këshillit të Lartë të Drejtësisë, në zbatim të Vendimit të Këshillit të Lartë të Drejtësisë Nr. 261/2, datë 14.04.2010 "Sistemi i Vlerësimit të Gjyqtarëve". Pasi shqyrtoi ankimet përkatëse, Këshilli miratoi aktet e Vlerësimit për 10 (dhjetë) gjyqtarët e mëposhtëm:
Miranda Çekrezi, Gjykata e Rrethit Gjyqësor Elbasan
Valentina Sadiraj, Gjykata e Apelit Durrës;
Besim Trezhnjeva, Gjykata e Apelit Durrës;
Tereza Lani, Gjykata e Rrethit Gjyqësor Elbasan;
Zamira Vyshka, Gjykata e Rrethit Gjyqësor Elbasan;
Joana Qeleshi, Gjykata e Rrethit Gjyqësor Durrës;
Skënder Haluci, Gjykata e Rrethit Gjyqësor Vlorë;
Bib Ndreca, Gjykata e Rrethit Gjyqësor Pukë;
Arbër Çela, Gjykata e Rrethit Gjyqësor Shkodër;
Marçela Shehu, Gjykata e Rrethit Gjyqësor Kurbin;
Si pikë të fundit të rendit të ditës, Këshilli vendosi delegimin e disa gjyqtarëve në shqyrtimin e çështjeve të caktuara gjyqësore, në gjykata të tjera nga ku ata janë emëruar për të ushtruar funksionin e gjyqtarit./a.gegvataj/
 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

10 Janar, 23:03