POP 5

Lajmet më të lexuara të 5 minutave të fundit

Kronikë

KLGJ zgjedh gjyqtarët që marrin në dorë dosjen e bujshme pas 'shkrirjes' së Krimeve të Rënda!

Këshilli i Lartë Gjyqësor ka votuar caktimin për 18 gjyqtarët që do të jenë pjesë e Gjykata e Posaçme Kundër Korrupsionit dhe Krimit të Organizuar  që nis nesër funksionimin. 5 nga gjyqtarët e caktuar u zgjodhën me stausin e përhershëm ndërsa 13 të tjerët janë të përkohshëm. Krijimi i kësaj gjykate mbyll përfundimisht funksionimin e Gjykatës së Krimeve të Rënda.

TIRANE- Përzgjidhen 18 gjyqtarët që do të jenë pjesë e Gjykata e Posaçme Kundër Korrupsionit dhe Krimit të Organizuar dhe që do të hetojnë dosjet e SPAK. Këta gjyqtarë vijnë nga rradhët e Krimeve të Rënda ku shprehën vullnet për të qene pjesë e kësaj gjykatë duke qënë se prej 19 dhjetorit gjykata e Krimeve të Rënda do të mbyllet përfundimisht.

Në mbledhjen e zhvilluar këtë të mërkurë u votua për caktimin e 5 gjyqtarëve të përhershëm, mes të cilëve ishin Albana Boksi, Nertina Kosova, Saida Dollani, Dhimitër Lara si dhe Sokol Binaj.  Ndërkohë, u caktuan në mënyrë të përkohshme edhe 13 gjyqtarët: Nure Dreni, Daniela Shirka, Etleva Deda, Flora Haredinaj, Ilirjana Olldashi, Irena Gjoka, Marsela Balili, Miliana Muçaj, Ardit Mustafaj, Bib Ndreca, Fran Prendi, Klodiana Kurushi si dhe Sandër Simoni.

Pjesë e rendit të ditës e mbledhjes së KLGJ ishte dhe transferimi i gjyqtarëve të tjerë të Krimeve të Rënda që nuk shprehën dëshirë për të qenë pjesë e Gjykate së re. këta gjyqtarë do të ushtrojnë detyrën në gjykatat e rretheve, konkretisht:  Dhurata Haverin kalon në gjykatën e apelit Durrrës, Fehmi Petkun në gjykatën e apelit Durrës, Xhevalin Pernoca gjykatën e apelit Korçë, Gurali Brahimllari gjykatën e apelit Vlorë, Idriz Mulkurti gjykatën e apelit Durrës , Luan Hasneziri gjykatën e rrethit gjyqësor Durrës. 

Ndërsa për gjyqtarin e Krimeve të Rënda, Dritan Hallunaj njëkohësisht dhe anëtar i Këshillit të Lartë Gjyqësor, këshilli miratoi transferimin e tij në gjykatën e rrethit gjyqësor Tiranë.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Jorgo: 18/12/2019 19:04

    Jam plotesisht dakort por Bashkia duhet ta organizoje kete veprim shume te drejte dhe banoret duhet te kontribojne.Pra jo vetem heqja e depozitave por te ndihmoje me organizim per zgjidhjen

    Përgjigju
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Vota e Diasporës/ Ambasadori spanjoll nga Elbasani: Emigrantëve duhet t’u jepet mundësia që të votojnë, e rëndësishme!

Vota e Diasporës/ Ambasadori spanjoll nga Elbasani: Emigrantëve duhet t’u jepet mundësia që të votojnë, e rëndësishme!

27 Janar, 14:58 nga Ronaldo Gjoshi