Klima e biznesit, Dhoma Amerikane e Tregtisë kritika Tatimeve: Hartoni politika afatgjata

Politikat fiskale dhe tatimore duhet të jenë afatgjata, të pandryshueshme dhe konkurrente me rajonin. Janë këto kërkesat që ka biznesi amerikan për administratën tatimore të vendit. Presidenti i Dhomës Amerikane të Tregtisë Enio Jaço gjatë një diskutimi me drejtoreshën e tatimeve u shpreh se tre janë shqetësimet aktuale të biznesit.

Tre çështje kryesore do të shpreh si shqetësim.

1. Respektoni ligjin e konsultimit publik. Është një ligj themelor dhe ne kërkojmë ta zbatoni pasi kemi vështirësi për ta analizuar.

2. Klima e investimeve, prioriteti ynë është përthithja e investimeve të huaja, dhe krijimi i një baze të mirë në klimën e biznesit. Duhet të keni politika tatimore afatgjata. Politikat tatimore duhet të jenë të rralla dhe të mirë formuluara, duhet të kujdeseni për biznesin. Ndryshimet e shpeshta dëmtojnë klimën e biznesit.

3. Ka ardhur koha të ndërtojmë politika tatimore rajonale për të tërhequr investimet. Duhen insentiva fiskale që të konkurroni me rajonin”, tha presidenti i Dhomës Amerikane të Tregtisë Enio Jaço.

Ndërkohë nga ana tjetër drejtoresha e Tatimeve Delina Ibrahimaj në përgjigje të këtyre shqetësimeve tha se po punohet për një paketë fiskale 5 vjeçare. Ajo bëri të ditura edhe prioritetet e tatimeve për këtë vit.

Strategjia jonë synon uljen e informalitetit dhe evazionin fiskal. Kemi disa prioritete si në uljen e informalitetit por edhe rritjen e vetëdeklarimit. Po hartojmë një strategji 5 vjeçare, që është politika tatimore të pandryshuar. Kjo që kërkojnë edhe bizneset. Për këtë vit kemi vendosur që puna jonë të përqendrohet të ndërtimi, hidrokarburet, baret dhe restorantet si dhe nën deklarimi i pagave”, u shpreh Ibrahimaj.

Po ashtu si shqetësim për nivelin e lartë të informalitetit është ngritur ndarja me fasha e tatimit që paguajnë kategori të biznesit ndryshme të biznesit. Dhoma Amerikane ka ofruar mbështetjen e saj për ngritjen e një kodi tatimor që të tërheqë sa më shumë investitorët e huaj.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin

Vrasja e Pëllumb Metës, ekspertiza konfirmon: Arma e gjetur në pellgun me ujë u përdor për krimin