Klosi: Në terren 150 mijë vullnetarë
në 24 Nëntor nis pastrimi i Shqipërisë

Operacioni i Pastrimit të Shqipërisë do të nisë në 24 nëntor dhe do të përfundojë në 24 maj të 2018. Në 6 muajt e punës në mbarë vendin, operacioni do të jetë i ndarë në disa faza dhe fasha të ndërhyrjes, duke nisur nga aksionet vullnetare në terren, deri tek kontrolli rigoroz i zbatimit të lejeve mjedisore nga subjektet apo sipërmarrjet e vogla dhe të mëdha.

Operacionin 6- mujor “Të pastrojmë Shqipërinë që duam” e prezantoi ministri i Turizmit dhe i Mjedisit, Blendi Klosi.  Në terren për pastrimin e gjithë territorit të vendit do të jenë rreth 150 mijë vullnetarë.

Ky proces, vjen pas krehjes së terrenit nga inspektoratet mjedisore në të gjithë vendin, duke ndërtuar në këtë mënyrë edhe hartën e parë të plotë me vendgrumbullimet e mbetjeve.

Janë plot 9 mijë vendgrumbullime mbetjesh apo mbeturinash, që janë gjurmuar nga krehja e territorit nga inspektorët që do të jenë targeti i pastrimit nga vullnetarët, studentë, nxënës, ushtria, shoqëri civile dhe gjithë qytetarët që duan t’i bashkohen kësaj nisme.  

dy.b/shqiptarja.com