TIRANË - Partia Socialiste me anë të deputetit Blendi Klosi ka bërë të ditur se, në të gjitha kantieret e rrugëve në Shqipëri ka nisur sërish puna pasi kompanitë kanë marrë sigurinë nga qeveria se do tu shlyhen të gjitha borxhet. Deklarata e deputetit është bërë nga selia e PS-së.
 
Sipas Klosit, rruga Lin-Pogradec ishte lënë në mëshirë të fatit pasi qeveria Berisha kishte hyrë shumë në borxhe me kompaninë  ndërtuese.
 
“Rruga Lin-Pogradec E lanë në mëshirë të fatit për shkak të borxheve të akumuluara nga qeveria e mëparshme”, deklaroi Klosi.
 
Sipas tij, “sot kjo qeveri ka nisur ndërtimin e rrugëve me standarde të reja. Sot kjo firmë ka nisur punimet pasi mori nga qeveria sigurinë se do ti paguhen të gjitha lekët, apo borxhet e krijuara”.
 
“Rishikimi i këtyre projekteve aq sa të mundemi është një nevojë”, tha gjatë deklaratës së tij, deputeti Blendi Klosi.
 
Redaksia online
(ac/shqiptarja.com)