POP 5

Lajmet më të lexuara të 5 minutave të fundit

Kronikë

KLSH çon në prokurori 2
punonjës të Doganës së Durrësit

Kontrolli i Lartë i Shtetit, në lidhje me dosjen e auditimit të ushtruar në Degën e Doganës Durrës në vitin 2013, ka dërguar pranë Prokurorisë së Rrethit Gjyqësor Tiranë, kallëzimin penal për dy prej audituesve të këtij institucioni
TIRANE - Kontrolli i Lartë i Shtetit, si rezultat i kontrollit të sigurimit të cilësisë të kryer në lidhje me dosjen e auditimit të ushtruar në Degën e Doganës Durrës në vitin 2013, ka dërguar pranë Prokurorisë së Rrethit Gjyqësor Tiranë, kallëzimin penal për dy prej audituesve të këtij institucioni, dhe përkatësisht z. Xh.D. dhe znj. E.T. Sipas njoftimit të KLSH-së këta dy persona kanë konsumuar veprën penale të “Shpërdorimit të detyrës” parashikuar nga nenin 248 i Kodit Penal.

“Më konkretisht, nga kontrolli i kryer nga KLSH rezultoi që këta auditues, në tejkalim të kompetencave të tyre audituese, kanë vendosur që të mos kryejnë dhe mos pasqyrojnë në raportin e auditimit, auditimin e dy prej pikave më të rëndësishme dhe të konsideruara si pika me risk tepër të lartë auditimi, konkretisht auditimin e regjimeve të përpunimit pasiv dhe regjimeve të magazinimit doganor, duke shmangur në këtë mënyrë detyrimet financiare, shkeljet dhe përgjegjësitë që do të rezultonin në rast të kryerjes së këtij auditimi”.

Për përfundimin e këtij auditimi, këta punonjës kanë patur në dispozicion rreth 11 javë, përfshirë këtu edhe 2 javë të shtuara me kërkesë të vetë grupit të auditimit, dhe pavarësisht këtij fakti, ata kanë vendosur që në raportin përfundimtar të auditimit të fshehin qëllimisht dhe të mos pasqyrojnë përllogaritjet e detyrimeve doganore të karburanteve në sektorin e Porto Romanos.

“Me konstatimin e këtyre shkeljeve, Kontrolli i Lartë i Shtetit ka ndërmarrë ndaj dy audituesve të mësipërm edhe masën përkatëse disiplinore të “Largimit nga shërbimi civil”, ku vlen të theksohet që nga ana e znj. E.T, për të cilën është bërë dhe kallëzim penal, po shfrytëzohen hapësirat e mundshme ligjore për shmangien e ballafaqimit dhe përfundimin e procedurave përkatëse të largimit nga puna, duke paraqitur vazhdimisht raporte fiktive mjekësore për paaftësi të përkohshme në punë”, thuhet në njoftimin e KLSH-së.

Marrë nga Shekulli
Redaksia online
(ar.sh/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:44