KLSH: Legalizimi dështoi
u zhdukën 365 mijë euro
Vetëm 8.700 dosje, për të cilat kanë aplikuar 270 mijë qytetarë, kanë përfunduar në drejtorinë qendrore të ALUIZNI-it, sipas Kontrollit të Lartë të Shtetit. Ky i fundit ka konstatuar një seri abuzimesh të zyrtarëve rajonalë e qendrorë, duke propozuar masa administrative e penale
TIRANE- Procesi i legalizimit, për të cilin prej kohësh nuk po vjen më asnjë lajm, duket se ka dështuar. Këtë konstatim e bën një institucion i rëndësishëm, si Kontrolli i Lartë i Shtetit, sipas të cilit, nga kontrollet e ushtruar më 9 maj-15 shtator 2011 në Drejtorinë Qendrore të Agjencisë së Legalizimit, Urbanizimit dhe Integrimit të Zonave/Ndërtimeve Informale (ALUIZNI) dhe në drejtoritë rajonale Tiranë, Durrës dhe Fier, për periudhën e aktivitetit nga 1 janari 2009 deri më 30 prill 2011, doli që, në 270 mijë aplikime për legalizim, 240 mijë prej tyre kanë paguar tarifën e shërbimit. Por, vetëm një shifër e papërfillshme, prej 8.712 dosjesh janë dërguar në Drejtorinë Qendrore të ALUIZNI-t për miratim leje legalizimi. Pra, fjala është për një realizim të procesit në masën katër për qind. Madje, edhe nga këto, 7.039 dosje mund të konsiderohen përfundimisht të mbyllura, ku qytetarët kanë siguruar hipotekimin e pasurisë së tyre, në përputhje me ligjin e legalizimit të ndërtimeve pa leje.
Kjo tregon për një nivel jashtëzakonisht të ulët performance nga drejtuesit dhe punonjësit e Drejtorisë Qendrore dhe drejtorive rajonale të këtij institucioni.
KLSH ka planifikuar që, pas përfundimit të kontrollit që po ushtrohet në drejtorinë rajonale të ALUIZNI-t Qarku Vlorë, të ushtrojë një kontroll tjetër në Drejtorinë Qendrore të ALUIZNI-t, duke u fokusuar në disa fenomene që kanë nevojë për verifikime më të thelluara dhe më të gjera.
KLSH thekson se përqendrimi i një sërë kompetencash të vendimmarrjes në Drejtorinë Qendrore të ALUIZNI-t ka prodhuar, jo vetëm mosshfrytëzim efektiv të burimeve, por edhe mjaft shkelje e parregullsi në zbatimin e ligjit, që duhet të ndryshojë. Kontrolli ka rekomanduar shpërblim të dëmit të shkaktuar, në vlerën 42.757.000 lekë ose 364.733 euro. Masat disiplinore të rekomanduara janë gjithsej 40, nga të cilat për Drejtorinë Qendrore 15 largime nga detyra dhe 10 vërejtje me paralajmërim për largim nga detyra, për drejtorinë rajonale Durrës 4 largime nga detyra dhe 1 vërejtje me paralajmërim dhe për drejtorinë rajonale Tiranë 6 largime nga detyra dhe 3 vërejtje me paralajmërim. Masat organizative gjithsej janë 71, nga të cilat për Drejtorinë Qendrore 27, drejtoritë rajonale Durrës 16, Tiranë 17 dhe Fier 11. Për 14 punonjës është bërë kallzim penal pranë Prokurorisë së përgjithshme për shpërdorim detyre.
(Shkrimi eshte botuar sot ne gazeten Shqiptarja.com)
(sg/shqiptarja.com)
Sondazhi i ditës:
Si do e drejtojë Kuvendin Elisa Spiropali krahasuar me Lindita Nikollën?
-
Më mirë
30.8%
-
Njësoj
34.6%
-
Më keq
34.6%
Vota total: 26
Votat totale janë unike
Lajme të tjera
-
'Aktrim i dobët' para miratimit të Reformës Zgjedhore!
31 Korrik, 22:10
-
Mero Baze: Aty ku ka grekë nuk ka probleme
31 Korrik, 21:58
-
Kuvendi i Serbisë e miraton Deklaratën e “Kuvendit gjithëserb”
31 Korrik, 21:45
-
Rama ‘idhnoi’ opozitën, patriotët e ‘Detit’ dhe 'Kryqit të Artë grek’
31 Korrik, 21:18
-
Operacioni ‘Revanshi’/ Autoritetet në Dubai thonë se kanë ndaluar Marklen Hakën! Policia shqiptare i dërgon të dhënat biometrike
31 Korrik, 21:06
-
Grupi i PD-së: Jemi në një linjë me presidentin për mikrokreditë! Gjetjet t'ia dërgojë SPAK, të gatshëm për Komision të Posaçëm në Kuvend
31 Korrik, 21:02
-
Shpërthen zjarri në Romë në kodrën Monte Mario/ Flakët pranë studiove të Rai-t! Evakuohen disa banesa! U ndërpre transmetimi direkt
31 Korrik, 20:56
-
Dita e parë në detyrë përballë zjarreve/ Ministri Vëngu në fshatin Luzat të Tepelenës, shpëtohet një shtëpi nga flakët: Kemi kërkuar bashkëpunimin e banorëve
31 Korrik, 20:56
-
Veton Surroi: Akomodimi mendor me presidenten Harris
31 Korrik, 20:26
-
Vepronin si grup i strukturuar kriminal/ SPAK çon për gjykim 4 personat që trafikonin emigrantë nga vendet e treta drejt BE-së kundrejt pagesës 5000-10 000 euro
31 Korrik, 20:22
-
Ervin Hoxha merr detyrën si Ministër i Brendshëm: Prioritet reformimi i drejtuesve të Policisë
31 Korrik, 19:55
-
Kërkoi të lirohej nga izolimi në 41 bis, GJKKO rrëzon kërkesën e të burgosurit Erion Veizaj
31 Korrik, 19:46