POP 5

Lajmet më të lexuara të 5 minutave të fundit

Politikë

KM: Miratohet udhërrëfyesi me 5
prioritetet e rekomanduara nga KE

Këshilli i Ministrave në mbledhjen e rradhës së tij ka vendosur për miratimin e Udhërrëfyesit për 5 prioritetet e rekomanduara nga Komisioni Evropian.
KM: Miratohet udhërrëfyesi me 5<br />prioritetet e rekomanduara nga KE
TIRANE - Këshilli i Ministrave në mbledhjen e rradhës së tij ka vendosur për miratimin e Udhërrëfyesit për 5 prioritetet e rekomanduara nga Komisioni Evropian. Sipas vendimit të marrë Ministria e Integrimit është përgjegjëse për zbatimin dhe monitorimin e këtij udhërrëfyesi. Po ashtu kjo ministri do të bëjë raportimet në Këshillin e Ministrave dhe Komitetin Ndërministrot për Integrimin Evropian lidhur me ecurinë e procesit.

Ndër të tjera ministritë dhe institucionet e tjera qendrore duhet të raportojnë tek Ministria e Integrimit për realizimin e detyrave që rrjedhin nga ky udhërrëfyes. Komisioni Evropian ka përcaktuar për Shqipërinë 5 prioritetet ku duhet të përqendrohet qeveria, për mbarëvajtjen e saj në rrugën e integrimit evropian.

Këto 5 prioritete janë:
 
1.Vazhdimi për zbatimin e reformës në administratën publike
2.Veprime për pavarësinë dhe efikasitetin e gjyqësorit
3.Vendosmëri në luftën kundër korrupsionit
4.Të bëjë më shumë përpjekje në luftën kundër krimit të organizuar
5.Masa për të forcuar të drejtat e njeriut, komunitetit romë, dhe zbatimin e të drejtave të pronarëve

Më poshtë vendimi i plotë i Këshillit të Ministrave:

VENDIM PËR MIRATIMIN E UDHËRRËFYESIT PËR 5 PRIORITETET E REKOMANDUARA NGA KOMISIONI EVROPIAN, 2013
 
Në mbështetje të nenit 100 të Kushtetutës, me propozimin e ministrit të Integrimit Evropian, Këshilli i Ministrave 
 
V E N D O S I:
 
1. Miratimin e udhërrëfyesit për 5 prioritetet e rekomanduara nga Komisioni Evropian (më poshtë udhërrëfyesi), që i bashkëlidhet këtij vendimi. 
 
2. Ministria e Integrimit Evropian është përgjegjëse për bashkërendimin dhe monitorimin e zbatimit të udhërrëfyesit dhe raporton në Këshillin e Ministrave dhe Komitetin Ndërministror për Integrimin Evropian për ecurinë e procesit. 
 
3. Ministritë dhe institucionet e tjera qendrore raportojnë çdo javë pranë Ministrisë së Integrimit Evropian për realizimin e detyrimeve që rrjedhin nga udhërrëfyesi. 
 
4. Vendimi nr.988, datë 8.11.2013, i Këshillit të Ministrave, “Për miratimin e Planit të Veprimit për luftën kundër korrupsionit dhe krimit të organizuar”, shfuqizohet. 
 
5. Ngarkohen të gjitha ministritë dhe institucionet qendrore, për të cilat në udhërrëfyes përcaktohen detyra të veçanta, për zbatimin e këtij vendimi. 
 
Ky vendim hyn në fuqi menjëherë dhe botohet në “Fletoren zyrtare”.
 
K R Y E M I N I S T R I
EDI RAMA

Redaksia Online
(e.c/shqiptarja.com)
 

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51