TIRANE - Kemi hyrë në vitin elektoral, ku përkatësisht më 23 qershor do të mbahen zgjedhjet parlamentare. Ende nuk janë konkretizuar koalicionet e para apo dhe shpallja e partive që do të garojnë të vetme për këto zgjedhje, ndërkohë që krerët e partive të vogla opozitare shprehin qëndrimin e tyre lidhur me mundësitë e koalicioneve. Nga partitë më tradicionale të opozitës, duke filluar që nga PDS, PSD shprehen se sërish do të garojnë nën siglën e koalicionit të majtë të kryesuar nga Edi Rama.

Por sipas tyre ajo që duhet të bëhet tashmë nga nga lideri i së majtës, është pikërisht mbledhja sa më parë e tryezës së Opozitës së Bashkuar, për të diskutuar për programin e koalicionit të majtë si dhe konsolidimin e marrdhënieve para ose paszgjedhore mes tyre. Ndërkohë që koalicioni i djathtë vijon të mbetet po në pozicionet që ka qenë dhe në zgjedhjet e kaluara, por për këto zgjedhje të djathtët shpresojnë që koalicionin me LSI-në ta lidhin para zgjedhjeve. Sipas të djathtëve, shumë shance ka që të lidhen koalicion edhe me parti të majta, ç`ka do të bënte që koalicioni i majtë do të vinte duke u rudhur përsa i përket numrit të partive në koalicion dhe votave të fituara në zgjedhjet e 23 qershorit.

*Shkrimin e plotë e lexoni në numrin e sotëm të së përditshmes SHQIPTARJA.com Klikoni këtu

(Gre.M/Shqiptarja.com)