Koalicionet, Rama: Mendjen te 
drejtoritë,e luftojmë këtë kance

Kryeministri Edi Rama ka mbrojtur qëndrimet e tij kundër partive të vogla edhe nga Konispoli ku zhvilloi një takim me votuesit socialistë. 

Kreu i qeverisë u shpreh se ndryshe nga vendet e tjera të europës ku koalicionit përcaktohen në bazë të programit, në Shqipëri prej 27-vitesh, tha ai, marrëveshjet bëhen sipas drejtorive dhe zyrave që iu kalojnë një pjese të partive kryesisht atyre të vogla. 

Rama tha se ky është një kancer për shtetin i cili do të luftohet. 

"Çdo përzierje në këtë histori është shumë, shumë e rëndësishme të kuptohet se është pengesë. Koalicionet në gjithë planetin bëhen në bazë të programit. Ulen partitë, diskutojnë programin, vendosin pikat e përbashkëta dhe vazhdojnë punën për vendin.

Në Shqipëri prej 27 vitesh vendosin në bazë të drejtorive, nuk e ka mendjen njeri te programi, por sa drejtori e agjenci marr unë, sa zyra e inspektorë marr unë apo dhe sa gjoba do vendos unë e sa ti.

Kjo nuk shkon dhe është skandaloze. Ky është kancer dhe këtë ne do të fillojmë ta luftojmë fort", u shpreh Rama.