Koalicioni i organizatave joqeveritare në Kosovë thirrje partive për vetëpërmbajtje deri në shpalljen e rezultateve

Koalicioni i organizatave joqeveritare që monitoron zgjedhjet në Kosovë, Demokracia në Veprim (DnV), ka bërë thirrje për përmbajtje deri në shpalljen e rezultateve për rundin e dytë të zgjedhjeve lokale në Kosovë.

Në një komunikatë për mediat DnV thotë se procesi i votimit është zhvilluar në mënyrë të qetë, por theksohet se pjesëmarrja ka qenë më e ulët në krahasim me raundin e parë të zgjedhjeve lokale.

“Ftojmë subjektet politike dhe mbështetësit e tyre që të mos shpallin fitoret eventuale bazuar në burime jozyrtare, por të presin shpalljen e rezultateve preliminare nga KQZ-ja. Respektimi i masave mbrojtëse kundër Covid 19 ka qenë i mangët, sidomos nga votuesit në zonat rurale, por duke mos përjashtuar edhe stafin zgjedhor”, thuhet në deklaratë.

Lajmi kryesor:

Raundi i dytë i zgjedhjeve lokale në Kosovë/ Përfundon numërimi në shumicën e komunave, Albin Kurti humb thellë, merr vetëm katër komuna! LDK fiton në Prishtinë

TAG:
• kosove
• Albin Kurti
• LDK
• zgjedhjet ne kosove
• PDK kosove
• LVV
• zgjedhjet lokale ne kosove