POP 5

Lajmet më të lexuara të 5 minutave të fundit

Politikë

Koalicioni me PS, Muhedini: PDIU
do negociojë dhe me PD, jo pazare

Disa ditë pas marrëveshjes mes PS dhe PDIU për zgjedhjet lokale, deputeti Tahir Muhedini thotë se partia ku ai bën pjesë nuk është as e majtë dhe as e djathtë. Sipas tij PDIU ka një kauzë shumë të rëndësishme për të zgjidhur e për këtë mund të negociojë më këdo, si PS, PD, apo LSI.  VIDEO
PDIU braktis PD, Rama-Idrizi firmosin për bashkëqeverisje 
Dashamir Tahiri kundër vendimit të Idrizit për koalicionin me PS-LSI
Koalicioni me PS, Muhedini: PDIU<br />do negociojë dhe me PD, jo pazare
TIRANE - Pesë deputetë e PDIU do të jenë të pozicionuar në të njëjtin kamp politik majtas apo djathtas qoftë. Por për deputetin Tahir Muhedini negociatat duhet të vazhdojnë edhe me Partinë Demokratike, ndonëse dy ditë më parë kryetari Shpëtim Idrizi deklaroi zyrtarizimin e koalicionit me PS.
 
Dy ditë pas marrëveshjes mes PS dhe PDIU për zgjedhjet lokale, deputeti Tahir Muhedini thotë se partia ku ai bën pjesë nuk është as e majtë dhe as e djathtë. Sipas tij PDIU ka një kauzë shumë të rëndësishme për të zgjidhur e për këtë mund të negociojë me këdo, si PS, PD, apo LSI.
 
I pyetur nga gazetarët në lidhje qëndrimin e tij nëse Shpëtim Idrizi do t’i bashkohej qeverisë Rama, Muhedini la të kuptojë se partia e tij nuk do të ndahet. Ai tha se qëllim i tyre është një, çështjen çame dhe se të 5 deputetët që janë në Parlament do të ulen në të njëjtin vend, qoftë majtas qoftë djathtas.
 
“Ne do të negociojmë edhe me PD, dhe pasi të negociojmë edhe me PD do të kemi të qartë gjithçka. Vendimi i PDIU është që ne të negociojmë me forcat kryesore. Partia jonë ka një program shumë të qartë, është e vetmja forcë që ka një kauzë shumë të rëndësishme që nuk e ka asnjë forcë politike, zgjidhja e çështjes çame. E themi haptas se forcat politike janë ato që e kanë në dorë dhe në do negociojmë si me PS, PD dhe LSI. Kjo forcë politike është krijuar për t’i shërbyer një komuniteti që ka 1 shekull që i mohon idetë e njeriut dhe ky është komuniteti çam. Nga strukturat e shtetit ka 50 vjet që është përjashtuar komuniteti çam. Me demokracinë po japim shembullin që dimë të qeverisim. Ne kemi kapacitetet që t’i shërbejmë vendit. Të 5 deputetët që jemi do të ulemi në një vend bashkë”, ka thënë Muhedini. 

Në fokus të kësaj force politike mbetet zgjidhja e çështjes çame ndërsa pozicionimi politik i tyre lidhet me këtë çështje. Por dy deputetët Tahir Muhedini dhe Dashamir Tahiri duket se janë kundër një aleancë me Partinë Socialiste, çështje për të cilën një ditë më parë Dashamir Tahiri tha se duhet të pyetet baza e kësaj force politike për këtë çështje.
 
Redaksia Online
(g.f/Shqiptarja.com)

  • Sondazhi i ditës:

    PS pritet të rikandidojë shumicën e kryebashkiakëve aktualë, si mendoni?

Lajme të tjera



×

Lajmi i fundit

Rusia rrit mbrojtjen pranë Japonisë mes mosmarrëveshjeve të SHBA-së! Çështjet e ‘ngrira’ mes dy shteteve thellojnë krizën

Rusia rrit mbrojtjen pranë Japonisë mes mosmarrëveshjeve të SHBA-së! Çështjet e ‘ngrira’ mes dy shteteve thellojnë krizën

22 Mars, 22:54