POP 5

Lajmet më të lexuara të 5 minutave të fundit

Politikë

Koburja e Strazimirit mesazh për
krimin,kush ka frikë nga reforma 

INTERVISTE EKSKLUZIVE/ Shenasi Rama, veprimtari shqiptar në SHBA dhe themelues i Partisë Demokratike, mendon se pistoleta në brezin e deputetit demokrat, Gent Strazimiri, është një mesazh inkurajimi për botën e krimit si dhe dëshmon për inkriminimin e politikës.Gjatë një interviste për “Shqiptarja.com”, Shenasi Rama, thekson se pas sherrit për parkun e lojërave tek liqeni fshihen interesa të tjera, duke mos përjashtuar edhe skanerin e sabotimit të reformës në drejtësi.
Koburja e Strazimirit mesazh për<br />krimin,kush ka frikë nga reforma 
Shenasi Rama, veprimtari shqiptar në SHBA dhe themelues i Partisë Demokratike, mendon se pistoleta në brezin e deputetit demokrat, Gent Strazimiri, është një mesazh inkurajimi për botën e krimit si dhe dëshmon për inkriminimin e politikës. Gjatë një interviste për “Shqiptarja.com”, Shenasi Rama, thekson se pas sherrit për parkun e lojërave tek liqeni fshihen interesa të tjera, duke mos përjashtuar edhe skanerin e sabotimit të reformës në drejtësi. Duke u ndalur tek efektet e ligjit për dekriminalizimin, Shenasi Rama shton se do të ketë shumë zhurmë për asgjë. Ai shprehet skeptik sa i takon impaktit të këtij ligji në jetën politike të vendit. Rama shpjegon edhe alibitë dhe mosmarrëveshjet e palëve sa i takon reformës në drejtësi. Sipas tij, palët nuk e duan reformën në drejtësi për shkak të frikës se mund të jenë subjekt të drejtësisë së re.
 
 
-Ndërtimi i këndi lojërash tek Parku i Liqenit ka përfshirë prej disa javësh politikën e Tiranës, në një sherrnajë të pazakontë dhe vorbull përplasjesh verbale dhe fizike. A u shërben qytetarëve shqiptarë gjithë kjo energji e konsumuar?
 
 Përplasja tek Parku i Liqenit është shumëdimensionale dhe më e thellë se sa duket. Po bëhet shumë zhurmë për Parkun, por janë shumë faktorë që po përplasen për interesa të tjera. Kur vjen puna tek protestuesit janë dy palë. Nga një anë janë, aktivistët e rinj, që shohin ato themele, që janë hedhur e që kanë më shumë hekur e beton se sa për një pallat katërkatësh. Aktivizimi i tyre është shumë legjitim sepse është e drejtë e shoqërisë me protestuar pa dhunë.

Ama, kjo protestë e kaq pak njerëzve tregon dobësinë e shoqërisë civile që, në këtë mënyrë, nuk organizohet si duhet politikisht për të ndryshuar gjendjen. Teknikat e mobilizimit dhe agjenda që përdoren janë si në Perëndim, por ne nuk jemi perëndim, nuk kemi strukturat e duhura ligjore dhe përplasja nuk është gjithnjë efikase. Nga ana tjetër, është politika e Tiranës që është përzierë në këtë problem. Duke kërkuar me fshehë interesat e veta, e në thelb me shmangë vëmendjen nga disa çështje të mprehta politike të ditës, duke kërkuar me i mbajtur njerëzit në tension si një formë me u përgatitë për zgjedhje, dhe me gjetë një arsye më shumë për sherr me pjesën tjetër.

 

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Magjia e Krishtlindjeve, qindra njerëz shijojnë koncertin festiv në sheshin 'Skënderbej'

Magjia e Krishtlindjeve, qindra njerëz shijojnë koncertin festiv në sheshin 'Skënderbej'

24 Dhjetor, 19:35