Kodi Zgjedhor në rrezik,
PD: Kanë skaduar afatet

TIRANE- Në një kohë kur mazhoranca ka paralajmëruar ndryshimet në Kodin Zgjedhor, me ndarjen e re administrative-territoriale, por Partia Demokratike nuk e pranon diçka të tillë.

Mesa duket ky është rreziku dhe ngërçi që do të hasin palët politike në këtë periudhë zgjedhore, kjo pasi opozita nuk i sheh të udhës ndërhyrjet në Kodin Zgjedhor, dhe sipas saj afatet kanë skaduar, edhe pse tashmë ndarja administrative nuk është ajo që ishte më parë.

Burime nga Partia Demokratike bëjnë me dije se e kundërshtojnë këtë sinjal të dhënë nga mazhoranca, duke e vënë theksin tek pamundësia e ndërhyrjeve dhe ndryshimeve që mund t’i bëhen Kodit Zgjedhor në këtë periudhë.