DAMASK- I dërguari ndërkombëtar për krizën në Siri, Kofi Anan, planifikon të shkojë në Damask për të biseduar rreth planit për armëpushim, të ndërmjetësuar nga vetë ai, muajin e kaluar.
Zëdhënësi i Ananit, Ahmad Favzi, tha se datat e sakta të udhëtimit të tij nuk janë caktuar ende. Ditën e djeshme, dhjetëra mijëra njerëz protestuan në provincat Alepo dhe Idlib të Sirisë kundër qeverisë së presidentit Bashar al-Asad.
![](https://shqiptarja.com/template/img/NO_ALFA_Kuadrate shqiptarja.png)
Trupat qeveritare hapën zjarr ndaj protestuesve duke vrarë të paktën një civil në Alepo. Kombet e Bashkuara thanë se mbi 9,000 persona kanë humbur jetën në Siri, që nga shpërthimi i protestave antiqeveritare, në mars të vitit të kaluar.
(b.a/shqiptarja.com)
![](https://www.shqiptarja.com/template/img/sh_logo1.png)