Kohë lufte/ Kafenetë në Kiev rihapen për t'i bërë njerëzit të buzëqeshin

Të rinjtë po bisedojnë me qetësi pranë një kafeneje në qendër të Kievit.

Është një nga vendet e shumta me kafe të shkëlqyer, diçka për të cilën qyteti është bërë i njohur vitet e fundit. Një grup miqsh po luajnë pingpong aty pranë në diellin e pasdites.

“Ne jemi rihapur dhe do të vazhdojmë të punojmë për aq kohë sa të kemi mundësi. Ne po e bëjmë këtë për t'i bërë njerëzit të buzëqeshin”, na thotë baristi Mykola, shkruan BBC.

Kafeneja Kashtan ku ai punon është një nga vendet që u shërben klientëve që ende qëndrojnë në qytet.

"Vdekje pushtuesve rusë. Kafeja për mbrojtësit është falas", thotë një tabelë në një kafene tjetër. 

Shumë restorante dhe kafene të modës në Kiev janë kthyer në kuzhina fushore, duke gatuar mijëra vakte falas për mbrojtësit e qytetit ose njerëzit në nevojë.

Disa u shërbejnë edhe klientëve, në përpjekje për të sjellë një ndjenjë normaliteti tek banorët, duke funksionuar me orë të kufizuara për të respektuar shtetrrethimin ditor. Autoritetet e Kievit kanë krijuar një hartë të kafeneve dhe bizneseve të tjera të hapura tani.

 

Lajmi kryesor:

Shpërthime në Lviv, pesë të plagosur! Rusët godasin një reaktor bërthamor kërkimor në Ukrainë! Biden në Poloni: Putin diktator, nuk mund të qëndrojë në pushtet! Kremlini: S'e vendos ti kush udhëheq

G.B./Shqiptarja.com

TAG:
• ukraine
• Rusi
• rusia sulmon ukrainen