Jo vetëm futbolli shqiptar, i cili prej 5 gushtit është në bojkot, por edhe një sistem si ai i Anglisë rrezikon kolapsin. Përfaqësues të lojës më të dashur në botë, pikërisht në vendin ku u shpik futbolli, kërkojnë ndihmë nga qeveria, si pasojë e vështirësisë së madhe financiare, të ndikuar edhe nga kushtet e pandemisë.
Media prestigjioze “BBC” ka publikuar sot një artikull me titullin: “Koronavirus: Qeveria e paralajmëruar, struktura e futbollit rrezikon kolapsin”. Artikulli i referohet një letre që një grup personalitetesh të shquara i ka drejtuar qeverisë, ku i kërkon ministrave të ndihmojnë futbollin në mesin e krizës së imponuar nga koronavirusi me një paketë shpëtimi.
Firmëtarët përfshijnë ish-presidentët e Federatës Angleze të Futbollit, Greg Dyke dhe Lord Triesman, aksionarin e Sunderland, Charlie Methven dhe ish-futbollistin, Robbie Savage. Ata thonë se shumë klube të EFL (Liga Angleze e Futbollit) dhe Ligës Kombëtare tani po përgatiten të “ndalojnë së luajturi ... dhe të vendosin biznesin e tyre në administrim", pra të shpallin falimentin.
“Ne do të kërkojmë që qeveria ta bëjë të qartë se çfarë mbështetjeje financiare është përgatitur të japë para se të jetë tepër vonë,” shkruan grupi në fjalë. "Në mënyrë që klubet të mbajnë veten gjatë dimrit dhe të vazhdojnë të luajnë, ata do të duhet të kompensohen për humbjen e shitjeve të biletave të ndeshjes. Jemi ende në kohë për të vepruar, por nuk mund të pritet më gjatë”.
Autoritetet ua kanë bërë të qartë klubeve që të përgatiten për disa muaj të tjerë pa të ardhura nga shitjet e biletave, pasi planet paraprake për rikthimin e tifozë në stadium nga 1 tetori u prishën javën e kaluar për shkak të numrit në rritje të rasteve të koronavirusit.
Kryetari i EFL-së, Rick Parry tha për “BBC Radio” të shtunën se disa klube “janë në prag të kolapsit”.
Institucioneve përgjegjëse për sportin u është kërkuar që t'ia bëjnë të qartë qeverisë brenda të mërkurës faturën e humbjeve nga mos-shitja e biletave në gjashtë muajt e ardhshëm.
Qeverisë i është bërë e ditur se duhet të sigurojë fonde emergjente për të mbuluar humbjet e klubeve nga të ardhurat e ditës së ndeshjeve. “Mungesa e këtyre të ardhurave nuk është rezultat i veprimeve të tyre, por politikave që janë caktuara nga qeveria”, shkruan grupi.
“Pa një plan për të shpëtuar klubet e futbollit, shumë anëtarë të EFL-së dhe të tjerë në Ligën Kombëtare gjithashtu, tani po përgatiten që të ndalojnë së luajturi, të mbyllin akademitë e tyre dhe fondacionet komunitare dhe të shpallin falimentimin. Kjo mund të çojë jo vetëm në dështimin e shumë klubeve historike të komunitetit, por kolapsin e strukturës së ligës kombëtare që kemi njohur për mbi 100 vjet. Këto janë vendime që do të merren në javët e ardhshme, teksa shumë klube nuk janë në gjendje të përmbushin detyrimet e tyre për të paguar stafin muajin e ardhshëm”.
Grupi i referohet paketës së shpëtimit prej 1.5 miliardë paundësh që qeveria iu dha organizatave të artit dhe kulturës në korrik. "Ne besojmë se futbolli, si sportet e tjera të dashura profesionale në këtë vend, është gjithashtu një aktivitet kulturor," shtojnë firmëtarët. Një situatë thuajse identike me Shqipërinë, ku qeveria mbështeti biznesin dhe shtresat vulnerabël, por braktisi sportin, duke mos miratuar asnjë paketë ndihme.
Komente
Lajme të tjera
-
Vendimet/ Qeveria shkarkon Dallëndyshe Bicin nga IKMT 6 muaj pas emërimit, rikthehet Ajet Zyberi! Ish-deputeti Xhindi largohet nga 'Illyrian Guard'
20 Dhjetor, 12:26
-
Çelja e negociatave për Grupkapitullin 6, Rama: Një tjetër ditë krenarie, drejt objektivit të anëtarësimit të Shqipërisë në BE brenda 2030 (FOTOT)
18 Dhjetor, 08:42 -
Anulimi i gjobave/ Balla në Komisionin e Ligjeve: Nisma, si në vendet e Bashkimit Europian! Qeveria shpreh dakordësinë në parim
17 Dhjetor, 12:03 -
Përurohet Teatri i Kukullave, Gonzato: BE s’është vetëm rregullore, por dhe ruajtje e identitetit! Rama-fëmijëve: Këtu ka qenë Parlamenti, na konsideroni si kukulla!
16 Dhjetor, 14:00 -
Armaldo Kllogjeri reagon për shkarkimin e Voshtinës, ish-drejtoreshës së TOB: Kush i bën gropën tjetrit, bie vetë brenda! Uroj që drejtori i ri të më rikthejë (VIDEO)
15 Dhjetor, 19:30 -
VENDIMI/ Qeveria ngre Zyrën e Administrimit të Parkut Kombëtar të ‘Lumit të Vjosës’! Drejtor, administratë, logo dhe stemë! Selia në Tepelenë
13 Dhjetor, 22:17 -
Shorti i Botërorit/ Prodani në ‘Studio Live’: UEFA gaboi me shortin e Shqipërisë, s’duhet t’i kemi frikë! Serbia ‘armiku ynë’, shans për të bërë histori! Seitllari: Duka rrudhi buzët
13 Dhjetor, 20:30 -
Berisha me grupet e punës në Lezhë për zgjedhjet 2025: Çmime janë trefishuar dhe kanë tejkaluar Gjermaninë e Italinë, shpopullimi i vendit në 40%
11 Dhjetor, 16:05 -
Pensionistët protestë te Kryeministria, kërkojnë përcaktimin e minimumit jetik dhe rritjen e pensioneve
11 Dhjetor, 11:19 -
Rama: 164 mijë persona me aftësi të kufizuara do të mbështeten nga buxheti 2025, program dhe mbështetje sociale
6 Dhjetor, 12:20 -
Qeveria cakton shpërblimet për gardistët: Deri në tre paga plus për ata që shpëtojnë jetën e zyrtarëve të lartë! Deri në 1 mln lekë kompensim në raste dëmtimi të pronës së tyre për shkak të detyrës
4 Dhjetor, 19:07 -
Sfidat e procesit të zbatimit të rekomandimeve nga institucionet e pavarura, Balla: Zbatueshmëria është në rritje, të adresojmë problemet!
4 Dhjetor, 15:03
kur e krahason Angline me Shqiperine, nese me te vertete do te krijohet kolaps ne futbollin Anglez Qevereia do ta ndihmoje , ashtu sic ndihmoi para disa viteve qeveria Amerikane kompanine e Gjeneral Motors per tu mos falimentuar dhe kjo ndihme dihet pse jepet........
PërgjigjuEFL eshte liga 1, 2 dhe championship se premier liga ka para. GAZETAR LESHI!
Përgjigju