POP 5

Lajmet më të lexuara të 5 minutave të fundit

Kronikë

Tiranë/ U arrestua si kreu i grupit të shpërndarjes së drogës, lihet në burg efektivi i RENEA! Luli pranon përfshirjen në aktivitetin kriminal, i shiti disa herë kokainë të infiltruarit të SHÇBA

Gjykata e Tiranës ka lënë në burg pa afat efektivin e RENEA-s, Real Luli, dhe dy personat e tjerë të arrestuar për shpërndarje të lëndëve narkotike. Luli ka pranuar para gjykatës autorësinë e shpërndarjes së drogës, ndërsa i kishte shitur disa herë kokainë një personi të infiltruar nga ana e Shërbimit për Çështjet e Brendshme dhe Ankesave.

Efektivi i forcës elitë RENEA, Real Luli, pranoi para gjykatës se ishte i përfshirë në shpërndarjen e lëndëve narkotike, në seancën për caktimin e masës së sigurisë. Gjykata e Tiranës e ka lënë në burg deri në fund të hetimeve, atë dhe dy personat e tjerë të arrestuar. Luli, thanë burimet, ka pretenduar se dy personat e tjerë të arrestuar, Gevi Spahia e Jurgen Luli, nuk kanë asnjë lidhje me shpërndarjen e lëndëve narkotike. Efektivi i RENEA-s është ndjekur nga një efektiv i Shërbimit për Çështjet e Brendshme dhe Ankesat, i cili është infiltruar dhe ka blerë madje edhe një sasi kokaine nga Luli, që pas testimit ka rezultuar e pastër në masën 80%.

Për llogari të hetimit, në dy raste tek efektivi është  kryer blerje e simuluar e dozave të kokainës, të cilën ia ka shitur të infiltruarit të SHÇBA-së. Sipas Prokurorisë së Tiranës, Luli është mbajtur për disa muaj në vëzhgim ambiental dhe në përgjim telefonik, çfarë ka çuar në dokumentimin e plotë me prova të qarta përfshirjen e tij në shpërndarjen e drogës. Një burim i tha Report Tv se gjatë momenteve të ndërhyrjes së policisë, Jurgen Luli ka qenë në dush. Të dy jetonin së bashku në një banesë, por pavarësisht mbiemrit të njëjtë nuk kishin lidhje gjaku me njëri-tjetrin.

Real Luli, 27 vjeç, u arrestua në një operacion të Shërbimit për Çështjet e Brendshme dhe Ankesave dhe Prokurorisë së Tiranës, ndërsa akuzohet si koka e grupit të shpërndarjes së lëndëve narkotike, kokainë, kanabis, extasy e më gjerë. Nga kontrolli i realizuar në  ambiente dhe banesat që dispononin të arrestuarit u gjetën dhe sekuestruan përveç këndëve narkotike, edhe 11,890 euro, 3 armë zjarri të llojit pistoletë të markave BRUNI e GLOCK, fishekë, 1 automjet tip Benz dhe 7 aparate celularë. Ky grup shpërndante lëndë narkotike në zonën e ish-Parkut të Autobusëve, “Misto Mame”, Kombinat, Yzberisht dhe “Qyteti i Nxënësve”.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29