Komisioni Qendror i Zgjedhjeve ka propozuar datën 23 korrik për mbajtjen e zgjedhjeve për bashkinë e Rrogozhinës. Projektvendimi pritet të miratohet në mbledhjen që KQZ do të mbajë të hënën.
Kujtojmë që në 15 qershor Kolegji Zgjedhor duke marrë në shqyrtim ankimimin e bërë nga koalicioni 'Bashkë Fitojmë', vendosi ripërsëritjen e zgjedhjeve vendore për bashkinë e Rrogozhinës.
Një prej argumenteve të ankimimit në Komisionin e Ankimimeve dhe Sanksioneve dhe në Kolegjin Zgjedhor ishte kutia e votimit të qendrës nr.2224/01 në burgun e Rrogozhinës koalicionit Berisha-Meta pretenduan se nga 80 fletë votimi, vetëm, 15 ishin të vlefshme. Si pasojë e pretendimeve për parregullsi, votat e Rrogozhinës u rinumëruan në KAS, ku rezultoi se kandidati socialist Edison Memolla kishte 5129 vota dhe kandidati rival, 5108, me vetëm 21 vota diferencë.
![](https://shqiptarja.com/template/img/NO_ALFA_Kuadrate shqiptarja.png)
Diferenca prej 21 votash rezultoi vetëm pas rinumërimit, pasi rezultati i shpallur nga KZAZ i ndante dy kandidatët me 30 vota. Për pasojë Kolegji Zgjedhor vendosi ripërsëritjen e zgjedhjeve ku kandidojnë Edison Memolla (PS) dhe Shkëlqim Hoxha (Bashkë Fitojmë).
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)