VLORË - Kreu i Partisë Demokratike të Vlorës, Ardian Kollozi, njëkohësisht kandidat për deputet në Vlorë, ka vijuar takimet e tij në lagjen “28 Nëntori” të këtij qyteti.

Në fjalën e tij përpara banorëve, Kollozi ka përmendur çfarë demokratët kanë bërë në këto 8 vite të qeverisjes, arritjet dhe vëmendjen, që kjo forcë politike ka treguar ndaj Shqipërisë e shqiptarëve.

"Në katër vitet që vijnë, demokratët i kanë të qarta projektet për Vlorën, ndërtimin e bypassit, rrugën e lumit të Vlorës, e shumë inevstime të tjera në infrastrukturën e çdo zone", tha Kollozi.
 
Ai ka theksuar se, të shumta do të jenë investimet e mëtejshme për të zhvilluar arsimin, shëndetësinë, bujqësinë e veçanërisht turizmin”, theksoi Kollozi, teksa parashtroi përpara këtyre banorëve projektin e demokratëve për 4 vitet e ardhshme.

Redaksia Online
(mag/shqiptarja.com)