POP 5

Lajmet më të lexuara të 5 minutave të fundit

Arkiva

Kolorado e Uashington legalizojnë
marijuanën për qëllime relaksuese

Zgjedhja mes Barack Obamës dhe Mitt Romney nuk ishte e vetmja për amerikanët. Paralelisht u zhvilluan edhe rreth 174 referendume ku ata kishin mundësinë të shpreheshin për çështje të rëndësishme si taksat, legalizimi i mariuanës apo martesat gay.
SHBA - Zgjedhja mes Barack Obamës dhe Mitt Romney nuk ishte e vetmja për amerikanët. Paralelisht u zhvilluan edhe rreth 174 referendume ku ata kishin mundësinë të shpreheshin për çështje të rëndësishme si taksat, legalizimi i mariuanës apo martesat gay.

Sipas rezultateve të projektuara, Kolorado dhe Uashingtoni janë shtetet e para të cilat e kanë legalizuar konsumin e kanabisit për qëllime relaksuese.

Rrjeti NBC raporton se rezultati i këtij referendumi ishte 54 % "pro" dhe 46 "kundër" në Kolorado ndërsa 55 % "pro" e 45 "kundër" në Uashington. Deri më tani kishte shtete që lejonin përdorimin e saj për qëllime mjekimi, por jo për legalizim të plotë.

Në Kolorado, të rinjtë mbi 21 vjeç do të lejohen që të kenë në posedim deri në 28 gramë mariuanë, por përdorimi i hapur në publik i drogës do të dënohet edhe më tej. Njerëzit do të lejohen që të mbjellin deri në gjashtë bimë në zonat private. Këto masa bien në koflikt direkt me qeverinë federale, e cila e klasifikon mariuanën si drogë ilegale.

Departamenti amerikan i Drejtësisë, ka reaguar pas kalimit të masave, duke thënë se politikat e tij do të mbesin të pandryshuara. Maryland është shteti i shtatë i cili ka votuar në favor të martesave gay. Dy shtete të tjera duket se janë në rrugen e votimit pro, përkatësisht shteti i Mainit dhe i Washingtonit.

Një tjetër element i veçantë i votimeve të 6 nëntorit është Tammy Baldwin. Demokratja e cila kishte humbur një sërë betejash me republikanët në Wisconsi tanimë do të jetë senatorja e parë gay. Fitoja e saj ndihmoi demokratët të kishin kontrollin e Senatit. Baldëin në fjalimin e saj tha se ndjehet e nderuar që është përfaqësuesja e parë e komunitetit gay në senatin amerikan.

(bi.ka/Gre.M/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Përplasen dy trena në Bullgari, 2 persona humbin jetën dhe 6 të tjerë plagosen

Përplasen dy trena në Bullgari, 2 persona humbin jetën dhe 6 të tjerë plagosen

15 Janar, 22:55