Kolumbi-Një avion me 81 persona në bord është rrëzuar në Medellin të Kolumbisë. Deri më tani bëhet me dije se 5 persona kanë arritur të mbijetojnë ndërsa 76 persona kanë humbur jetën. Avioni ishte nisur nga Bolivia dhe në bord kishte ekipin e futbollit të Chapecoense të Brazilit. Njëri nga të mbijetuarit është një nga mbrojtësit e skuadrës, 27 vjecari Alan Ruschel.
Avioni sipas raportimeve të para kishte dhënë alarmin, ndërsa më pas ishte zhdukur nga radarët. Në bordin e avionit ishin 72 pasagjerë dhe 9 anëtarë të ekuipazhit. Ndër shkaktarët kryesore të aksidentit mendohet të jetë konsumimi i karburantit dhe defekti elektrik, por edhe kushtet e motit.
[gallery]19915[/gallery] [gallery]19923[/gallery] Kryebashkiaku i Medellin Federico Gutierrez shprehet se ngjarja është një tragjedi, por shpreson se ka të mbijetuar.
“Është një tragjedi e përmasave të mëdha” u shpreh Elkin Ospina, kryebashkiaku i La Ceja, një komunë afër vednit të aksidentit.
Avioni i tipit RJ-85 kish sinjalizuar probleme në impiantin elektrik dhe ka rënë në një zonë malore të Madellin.
Avioni së bashku me skuadrën e futbolllit ishte nisur nga aeroporti ndërkombëtar i San Paolos në Brazil dhe do të ndalonte në Bolivi ku ekipi këtë të mërkurë do të luante në finalen e Kupës së Amerikës së Jugut.
[gallery]19925[/gallery] Një zëdhënës i Aeronuatikës civile bëri me dije se avioni u deklarua i zhdukur në orën 2 e 30 të mëngjesit me orën tonë lokale ndërsa aksidenti u shënua rreth orës 4 e 30. Të gjitha qendrat mjekësore janë vënë në shërbim për të pritur të plagosurit, në dispozicion është edhe aeroporti i Medellin.
Ekipi i futbolllit është themeluar në vitin 1973 dhe përfaqëson qytetin e Chapeco, një zonë e rëndësishme industriale në Brazil. Në 2009 merrte pjesë në kampionatin e serisë D më pas shumë shume shpejt arriti në kategorinë e parë duke zënë vendin e 9.