POP 5

Lajmet më të lexuara të 5 minutave të fundit

Kombëtares i bashkohen Broja dhe Uzuni, sulmuesi: Jap më shumë kur luaj titullar, kundër Izrealit marrim fitore

Armando Broja dhe Myrto Uzuni janë bashkuar me kombëtaren pas mungesës në ndeshjen me Islandën. Sulmuesi që luan në Premier League thotë se është në formë dhe gati për të bërë diferencën në ndeshjen e radhës kundër Izrealit, ndërsa edhe Uzuni shprehet se 10 qershor kuqezinjtë do fitojnë.

Me kthimin në tokën mëmë pas barazimit me Islandën kombëtares i janë bashkuar dy futbollistët të cilët munguan për shkaqe të ndryshme si Myrto Uzuni dhe Armando Broja.

“Fizikisht jam mirë. Kam patur COVID më para kur mbaroj sezoni me Southampton. Tani jam rikuperuar dhe kam bërë stërvitje personale në Angli për disa ditë. Fizikisht jam mirë,”-u shpreh Armando Broja, futbollist i kombëtares.

Sulmuesi 20-vjeçar ka besim se në sfidën e rradhës, kundër Izrealit më 10 qershor në ‘Air Albania’, kombëtarja do marrë 3 pikët, ndërsa mohon përceptimin e krijuar se kur futet si zëvendësues është më produktiv.

“Kundër Izrealit ka me qenë më e vështirë por do bëjmë maksimumin dhe ishalla me 3 pikë. Për mua luaj më mirë kur jam titullarë sepse kam më shumë minuta në fushë për të bërë gjëra, por gjithsesi është një vendim që i takon trajnerit,”-deklaroi Armando Broja, futbollist i kombëtares.

Besimplotë se kundër Izrealit do jetë një tjetër ndeshje nga ajo e Islandës është edhe Myrto Uzuni, i cili mungoi për shkak dëmtimi në kavilje.

“Kemi një ekip me lojtarë me shumë kualitet, pasi futbollistët luajnë në ekipe shumë të mira. Për ne e rëndësishme është fitorja. Është objektivi jonë kryesorë dhe grupi tani është plotësuar i gjithi përveç Odise Roshit e cila ndihet pasi dihet kontributi i tij,”-tha Myrto Uzuni, futbollist i kombëtares.

Si barazimi 1-1 me Islandën ashtu edhe ndeshja e radhës me Izrealin janë të vlefshme për Ligën e Kombeve.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    A jeni dakord me vendimin e gjykatës për detyrim paraqitje të Berishës?

Lajme të tjera



×

Lajmi i fundit

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

Francë/ Mbledhja e parë të Këshillit të Ministrave të qeverisë Bayrou, Marcon bëri thirrje për guxim dhe stabilitet

3 Janar, 22:53