POP 5

Lajmet më të lexuara të 5 minutave të fundit

Sport

Kombëtarja U-18/ Dede: Klubet s’lejonin lojtarët të grumbulloheshin, ja çfarë fola me Reja-n

Ndeshja debutuese e Kombëtares U-18 e luajtur kundër Maqedonisë së Veriut është mbyllur në barazim 2-2, por trajneri Dede shprehet se ka patur jo pak vështirësi në grumbullimin e lojtarëve. Më tej trajneri tregon edhe për raportin me Edi Reja-n, që sipas tij ishte shumë i interesuar për kombëtaret e moshave.

Kombëtarja U-18 e Shqipërisë në ndeshjen e parë zyrtare ka barazuar 2-2 në miqësore kundër Maqedonisë së Veriut. Në takimin e zhvilluar në stadiumin “Sopoti” të qytetit të Librazhdit kuqezinjtë kaluan dy herë në avantazh, por në fund u ndanë në ‘paqe’ me kundërshtarin e tyre. Gjithsesi rezultati në ndeshjen debutuese ishte në plan të dytë , pasi për trajnerin Nevil Dede kishte jo pak vështirësi.

"Për momentin jemi munduar të marrin një pjesë kryesore të elementeve që kemi informacione dhe që ne kemi vëzhguar, por ka edhe problematike pasi ndeshjet e moshës U-18 nuk korespondojnë me datat e UEFA-s dhe FIFA-s. Në këtë situatë na doli një problematikë që klubet nuk i lejonin lojtarët të grumbulloheshin."

Dede më tej foli edhe për raportin me trajnerin e ri të Kombëtares A Edi Reja, më të cilin ishte takuar një ditë pas prezantimit.

“Diskutimi ishte pozitiv, Reja ishte energjik dhe donte informacion për U-21 dhe U-19, do t’i ndjek nga afër. Ai do të stabilizojë formacionin dhe pastaj do të vëzhgojë lojtarët e talentuar.” 

Ndërkohë portieri Fatmir Çeka për ndeshjen e tij të parë me Kombëtaren është shprehur:

“Të veshësh fanellën e kombëtares është një emocion i papërshkrueshëm dhe është ndienja më e bukur në botë. Të gjithë ata që e veshin fanellën e Kombëtares duhet të jenë krenar.”

Të enjten, po në stadiumin ‘Sopoti’ të Librazhdit do të zhvillohet ndeshja e dytë miqësore e Kombëtares U-18.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Fushë Arrëz/ Reshjet e dëborës vështirësojnë qarkullimin në Iballë, borëpastrueset në terren

Fushë Arrëz/ Reshjet e dëborës vështirësojnë qarkullimin në Iballë, borëpastrueset në terren

26 Dhjetor, 09:38