Kombëtarja shqiptare e futbollit vijon përgatitjet për ndeshjet kualifikuese të Kupës së Botës 2026. Kuqezinjtë presin në Tiranë skuadrën e Serbisë më 7 qershor, ndërsa tre ditë më vonë përballemi kundër Letonisë në udhëtim.

Ekipi i drejtuar nga Sylvinho u stërvit pasditen e djeshme në “Shtëpinë e Futbollit”, me trajnerin i cili pati në dispozicion të gjithë grupin, përveç sulmuesit Rey Manaj, i cili kaloi një gjendje gripale dhe u stërvit veçmas në palestër.

Kombëtarja punoi në aspektin taktik, duke organizuar edhe një lojë brenda grupit. Për të shmangur që plani i tij të kuptohej, trajneri i përzieu skuadrat. Ajo që binte në sy ishte se përkrah Gjimshitit në qendër të mbrojtjes ishte Ajeti. Ndërkohë në sulm, Broja, Bajrami dhe Uzuni luanin në të njëjtën skuadër.

Ditën e sotme, ekipi do të zhvillojë stërvitjen e radhës, e cila do të jetë e hapur për mediat në 15 minutat e para.

Formacioni i mundshëm:

Shqipëria (4-3-3): Strakosha; Balliu (Hysaj), Ajeti (Ismajli, Kumbulla), Gjimshiti, Mitaj; Asllani, Ramadani, Laçi (Bajrami); Hoxha, Asani, Broja Trajner: Sylvinho

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 28 Janar, 09:18

    Burg deri në një vit për parkim dysh, si e vlerësoni?

Lajme të tjera