Një dashuri në perëndim, ku secili nga bashkëshortët pas 13 viteve, ka humbur rrugën, duke devijuar nga shumëçka që i bashkoi në martesë...
Komedia franceze “La Baby Sitter” me autor Rene de Obaldia-n, vihet dhe sot e nesër në skenën e Teatrit Kombëtar nga artisti Vasjan Lami, për t’u rikujtuar çifteve, me ndihmë të dramaturgut, t’u mëshojnë vlerave e jo veseve e të metave, për të konsoliduar raportin e tyre.
"Autori qëllimisht e ka trajtuar pjesën, në këtë fazë të agravuar të çiftit për të dhënë mesazhin se nuk duhet ta lësh dashurinë kaq gjatë pa ushqyer, pasi siç thuhet, ajo është si lulja, nëse nuk ushqehet thahet", shprehet regjisori Vasjan Lami.
Dy fëmijët vijnë në skenë vetëm përmes rrëfimit të Elvirës e Frenklin, bashkëshortëve të një marrëdhënie në krizë, që interpretohen nga Genc Fuga e Andia Xhunga...
"Kjo është një pjesë sa e vështirë aq edhe aktuale e kontemporane, me nota të lehta absurdi. Megjithatë është një pjesë e vërtetë, ku siç u kuptua edhe nga pritja, mesazhi vjen i qartë tek publiku", shprehet aktorja Andia Xhunga.
"Është një pjesë, ku reflektohet një kompeticion i çmendur mes bashkëshortëve, ku nuk dihet pse vrapohet. Një garë, ku ndonëse ti je në mes të saj, kupton se nuk është gara jote. Një çift i zakonshëm, sepse në të shohim çifte të tëra, duke mbledhur pikë kundër njëri-tjetrit", shprehet aktori Genc Fuga.
Deri ku mund të shkojë zemërimi i akumuluar i dy bashkëshortëve?! Për t’i vënë në provë, dramaturgu de Obaldia, thërret në lojë një tjetër personazh.
"Ajo vrasje virtuale që ndodh, është në fakt vrasja e kohës së paushqyer me dashuri", shton Lami.
Luiza Xhuvani, sjell në skenë një dado të maskuar si murgeshë, që do të trondisë jetët e çiftit, deri në një vrasje të mundshme.
"Mendoj se nuk kishte rrugë tjetër, pëpos se të vrasësh 'pesekutoren' e t'i japësh jetë më pas, bashkëjetueses, bashkëshortes, bashkëudhëtares. Ne i kemi si toponime si fjalë, por rrallëherë i kuptojnë", thotë Fuga.
Vrasja simbolike e së keqes që kishte infektuar themelet e martesës, sjell shpresën për rilindjen e saj.
Lajme të tjera
-
“Emili”, një rrëfim për pasojat e dhunës! Me regji të Ajola Dajës, filmi premierë sjell në ekran Arta Dobroshin
8 Nëntor, 12:03
-
Teatri i ri, Veliaj: E ndërtojmë për 100 vitet e ardhshme
2 Nëntor, 15:29 -
Vijojnë punimet për ndërtimin e Teatrit të ri Kombëtar, ja pamjet me dron nga kantieri (VIDEO)
1 Nëntor, 12:02 -
'Lufta është e vështirë, por ju jeni më të forta' Tetori rozë, Luiza Xhuvani mesazh për gratë në përballjen kundër kancerit të gjirit
12 Tetor, 11:08 -
Veliaj inspekton punimet te Teatri i Ri: Në 30 muaj po bëjmë atë që humbëm në 30 vjet
3 Gusht, 12:55 -
Katër vite nga shembja e Teatrit Kombëtar, Meta: Akt kriminal që ende sot mbetet pa përgjegjës
17 Maj, 12:03 -
‘Dashuritë e presidentit’ te ‘Eksperimentali’! Western Balkan Youth Orchestra tek ‘Artet’! Performancë e frymëzuar nga ‘Një mijë e një net’ në Vlorë!
9 Maj, 11:40 -
‘Biznesmenit’ i bëhet ‘gjyqi’ në Teatër! Gëzim Kame e Viktor Zhusti ‘mbledhin’ në tryezë figura të drejtësisë në pension. Artistët rrëfejnë shfaqjen
29 Mars, 19:34
-
‘Vajza, mbajeni mirë me mamanë e atij!’, Artan Imami tregon mes batutash komedinë çmim ‘Molier’! Në regji me bashkëshorten
12 Shkurt, 17:34
-
Drama "7 minuta" me 11 aktore të njohura shfaqet në Lezhë
1 Shkurt, 20:18
-
Aleanca për Mbrojtjen e Teatrit kallëzon prokurorin Edvin Kondili, Kalaja: 4 vite që nuk hetohet dosja! 46 herë trokasim në SPAK, 0 përgjigje
31 Janar, 11:52 -
Teatri i Ri, Veliaj: Përfundon për 2 vite, do jetë kryefjala e vitit të Kulturës në 2025
22 Janar, 13:51
