Komisionet “Mezini”, “Bezhani” tentuan
pastrimin, por lanë “peshqit e mëdhenj”

Ligji për “Lustracionin” është tentuar gjithnjë të realizohet gjatë këtyre 23 viteve, por asnjëherë nuk ka dhënë rezultatin e kërkuar dhe politika gjithnjë ka qenë e “populluar” nga elementë që kanë pasur dosje në kohën e komunizmit dhe kanë dëmtuar njerëz të pafajshëm. Kështu që nuk është hera e parë që është tentuar hapja e dosjeve dhe pengimi i figurave politike dhe zyrtare që të vijojnë jetën politike.

Më 1995 u ngrit komisioni “Mezini”, që pengoi kandidimin e figurave të opozitës, përfshirë kandidatë për deputetë asokohe të opozitës së parë të së majtës, vendime këto që u cilësuan politike e ranë vite më vonë, ndërkohë që pjesa më e madhe e tyre fituan pafajësinë e i rikthyen në politikë.