POP 5

Lajmet më të lexuara të 5 minutave të fundit

Media

Komisioni i medias, në 7 Prill fillon
zëvendësimi i Endira Bushatit

Pas një tentative të Genc Pollos për të bllokuar punën e Komisionit të Medias, deputetët e mazhoracës  miratuan me votat e tyre futjen në kalendarin tri javor të punimeve edhe memon e Kuvendit për të bërë zëvendësimet në Autoritetin e Mediave Audiovizuale. (Foto: Komisioni i medias)
Komisioni i medias, në 7 Prill fillon<br />zëvendësimi i Endira Bushatit
Pas një tentative të Genc Pollos për të bllokuar punën e Komisionit të Medias, deputetët e mazhoracës  miratuan me votat e tyre futjen në kalendarin tri javor të punimeve edhe memon e Kuvendit për të bërë zëvendësimet në Autoritetin e Mediave Audiovizuale. Që në fillim të mbledhjes ku ishte parashikuar që të miratohej kalendari tri javor i punimeve, deputeti i PS-së, Alfred Peza kërkoi që në kalendar të futej me dhe memo e Kuvendit për të bërë zëvendësimin e anëtarëve që janë pa mandat në AMA.

Por kjo gjë solli një debat të ashpër ndërmjet deputetëve të opozitës dhe atyre të mazhorancës, si edhe një shkelje të rregullores nga ana e kryetarit Genc Pollo. Sipas rregullores së Kuvendit, në momentin kur jepet një propozim, kryetari i komisionit duhet ta hedhë atë në votim, por ditën e djeshme kjo gjë nuk ndodhi. Pas një zvarritje plotë 4 orëshe për një rend dite që nuk kërkon më shumë se 4 minuta kohë, Genc Pollo theksoi se mbledhja e Komisionit duhet të shtyhet me argumentin se kërkohet më shumë kohë.

Në këtë moment, nënkryetari i Komisionit të Medias, Alfred Peza mori drejtimin e seancës dhe me votat e mazhorancës u miratua edhe kalendari tri javor i punimeve, i cili parashikonte edhe fillimin e procedurave për zëvendësimin e Endira Bushatit. Konkretisht sipas kalendarit, kjo procedurë do të nis në 7 prill dhe parashikohet që opozita të bojkotojë. Kjo pasi u pa qartë që për rreth 4 orë Pollo synonte që të shtynte këtë gjë për të kërkuar edhe një shkak konflikti me mazhorancën.

Krahas kësaj, në kalendarin e punimeve janë parashikuar edhe seanca dëgjimore me kandidatët e rinj për bordin drejtues të RTSH-së për të plotësuar katërshen e nevojshme për t’u votuar në Kuvend.
 
 
Shkrimi u botua sot(01.04.2014) në gazetën Shqiptarja.com(print)
(v.gj/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Tenis/ Numri 2 i botës pozitive me doping, pezullohet me 1 muaj

Tenis/ Numri 2 i botës pozitive me doping, pezullohet me 1 muaj

29 Nëntor, 09:26