Tirane- Në komisionin e posaçëm të dezinformimit kanë filluar të artikulohen rastet e para konkrete që konfirmojnë ndërhyrjen dhe influencën ruse në vendin tonë përmes informacioneve të rreme që qarkullojnë qëllimisht në rrjete sociale e media online.
Kryetari i këtij Komisioni, Erion Braçe, solli shembuj të informacioneve të rreme me burim nga Serbia, që përhapen në hapësirën mediatike në Shqipëri për të mbjellë panik.
Ndërhyrjet keqdashëse të vendeve të huaja, sipas Braçes, kanë prekur edhe sektorët strategjikë të ekonomisë vendase siç është turizmi, duke folur për një sulm të koordinuar ndaj strukturave akomoduese në vendin tonë gjatw muajit korrik dhe gusht.
"Ngjarje që kanë ndodhur gjatë muajve korrik dhe gusht sjellin në vëmëndje ekzistenën e fushatave dezinformuese veçanërisht në aspektin e sektorëve strategjikë të ekonomisë. Turizmi ka qenë nën atak dhe është i verifikuar që grupe të posacme të huaja keqdashëse kanë sulmuar faqet e njësive akomoduese në Shqipëri me qëllim largimin e vëmendjes dhe prenotimeve nga këto njësi akomoduese kohë pas kohe" tha Braçe.
SHBA e BE i mbështet
Komisioni i Posaçëm i Dezinformimit do të nisë javën e dytë të tetorit seancat dëgjimore me institucionet publike, të cilat paraprakisht kanë nisur punën për të analizuar pronësinë dhe origjinën e kapitaleve që përdoren nga kompani të ndryshme në sektorët strategjikë të vendit si energjia, teknologjia, sektori financiar apo edhe subjekte të komunikimit.
Në mbështetje të punës së këtij komisioni do të jenë dhe ekspertë nga BE, Këshilli i Europës dhe i OSBE-së që do të tregojnë praktikat e tyre. Konkluzionet e arritura nga studime e hetime ndërkombëtare do të bëhen pjesë e këtij komisioni si dhe synohet adaptimi i instrumenteve present në SHBA e BE kundër dezinformimit brenda territorit në republikën e Shqipërisë.
Kryetari i komisionit Erion Braçe tha se një delegacion i BE-së do të jetë në mbështetje të punës. Në kuadër të kësaj do të zhvillohet një Workshop 2 ditor dhe një seri misionesh me ekspertë të BE-së për të trajtuar praktikat mët ë mira në këtë fushë. Draft agjenda e këtij seminari është hartuar nga delegacioni i BE-së në Tiranë dhe Bruksel më 28-29 tetor.
Tashmë është hartuar lista me ekspertë që do të asistojnë në këtë komision, veç ekspertëve ndërkombëtarë do të jenë dhe ekspertë nga shoqëria civile, fushat e ekonimisë, proceset demokratike, të medias dhe sigurisë kombëtare.
Anëtarët e opozitës edhe këtë herë nuk ishin të pranishëm në mbledhjen që u mbajt paraditen e sotme (26 shtator 2024) në ambientet e kryesisë së Kuvendit.
Komisioni i dezinformimit u votua në Kuvend me 11 prill 2024 me 73 vota pro.
Kryetari i Komisionit të Dezinformimit Erion Braçe, ka deklaruar gjatë mbledhjes së komisionit ditën e sotme, se gjatë muajve gusht dhe korrik ka pasur ndërhyrje nga mediat serbe për të përhapur lajme të rreme.
Braçe ka sjell në vëmendje dy raste të publikuara në mediat shqiptare me burim informacioni të rreme nga Serbia, ku rasti i parë ka lidhje me mundësinë e pushtimit të Kosovës nga Serbia.
“Deklarata e lëshuar nga mediat serbe dhe tabloidet pranë qeverisë që kishin të bënin me mundësinë e pushimit të Kosovës nga Serbia. Një zinxhir i tërë dezinformimi që mbërriti në Shqipëri. Duke implikuar Shqipërinë dhe shqiptarët e duke sjell shqetësim në rajon dhe brenda vendit. Lajme të tilla nuk kanë gjetur hapësirë në Kosovë, por kanë gjetur hapësirë në Shqipëri. Edhe pse burimi i informacionit ishte në Serbi dhe u përgënjeshtrua, këtu nuk pati as përpjekjen më të vogël për ta korrigjuar e jo më për ta fshirë”, tha ai.
Rasti i dytë, sipas Braçes ka të bëjë me një deklaratë të presidentit të Serbisë, i pasqyruar nga mediat në Shqipëri.
“Një deklaratë e presidentit të Serbisë që kishte të bënte për monitorimin e territorit serb nga dron shqiptare. Edhe pse burimi ishte një portal serb në Kosovë i pacituar nga mediat në Kosovë, por i cituar dhe përdorur si informacion gjerësisht nga mediat në Shqipëri, përfshirë atë online dhe audiovizive. Element për të tërhequr klikime, por jo për të thënë të vërtetën”, tha ai.
Lajme të tjera
-
Përplasje në Kuvend, 'mollë sherri' Bashkim Ulaj dhe interpelanca me Ballukun! Shehaj bllokon 4 orë foltoren, Spiropali e përjashtoi, Noka e shtyn me forcë
19 Dhjetor, 08:07 -
Projektligji i PS-së për faljen e gjobave kalon në komisione, amnisti dhe për ndërtimet individuale pa leje në fshat e qytet në 10 vitet e fundit
17 Dhjetor, 11:38 -
'Studio Live'/ Ndikimi i huaj në media, Poli Hoxha: Kemi marrëveshje me SHBA për dezinfomimin! Toska: Rama kërkon të kontrollojë mediat sociale, e kamuflon me ndërhyrjen ruse
4 Dhjetor, 18:08 -
Hoxha: Rusia luftë hibride në Ballkanin Perëndimor, i janë shtuar edhe portale shqip! Braçe: Nëse dezinformimi nuk adresohet, ndikon zgjedhjet
4 Dhjetor, 10:45 -
5 vjet nga tërmeti shkatërrimtar i 26 nëntorit me 51 viktima, Braçe: Nuk kisha parë aq shumë jetë të humbura në një agim
26 Nëntor, 09:26 -
'Dezinformimi nga shtetet armiqësore!' Braçe: Në Kuvend ka ardhur një listë e gjatë e mediave online e tradicionale që bien pre apo vihen në dispozicion
13 Nëntor, 17:47
-
Komisioni i Dezinformimit/ Kryetarja e SHISH: Ndërhyrjet malinje nga vendet armiqësore po amplifikohen nga platformat online, financim e rekrutime në portale
13 Nëntor, 11:47 -
Qindra portale 'fantazmë' në Shqipëri, Braçe: Dezinformojnë! Duhet një regjistër me çdo të dhënë të tyre
6 Nëntor, 15:29
-
Lumë propozimesh për rishikime taksash, nga TVSH-ja në bujqësi, sigurimi i banesave tek rritja e pagës minimale vetëm për të rinjtë
5 Nëntor, 17:45
-
Pr/buxheti 2025 në Kuvend, nevojë rishikimi skemave sociale, Braçe: Rimbursimi i ilaçeve, skemë korruptive! Ndihmën ekonomike po e marrin ‘Dembelët’
5 Nëntor, 11:28
-
Deputeti Braçe dha alarmin tre ditë më parë me një VIDEO: Shtresë e trashë, me një erë të keqe! Të kuptohet burimi, duhet ndërhyrë
30 Tetor, 18:14 -
Ndotje në Liqenin e Tiranës? Anisa Ruseti për Report TV: Shtim i algave jeshile, jo i rrezikshëm për popullatën! Ja dy faktorët dhe masat që merren
30 Tetor, 17:04
