Nisja e negociatave për anëtarësimin në BE do të jetë objektivi kryesor i Ministrisë së Jashtme për vitin 2022. Kështu bëri me dije Ministrja e Jashtme, Olta Xhaçka gjatë fjalës së saj në Komisionin për Politikën e Jashtme, ku u miratua në parim projektbuxheti për vitin 2022.
Ministrja prezantoi objektivat për vitin 2022, ku theksoi se projekt buxheti do të mundësojë zhvillimin e Konferencës së parë Ndërqeveritare, zbatimin e marrëveshjes së stabilizim-asociimit mes Shqipërisë dhe BE si dhe forcimin e kapaciteteve institucionale dhe menaxhimin e asistencës financiare të BE.
Po ashtu objektiv i Ministrisë së Jashtme është edhe forcimi i marrëdhënieve me vendet e Rajonit si dhe mbështetja e Kosovës në organizatat rajonale e ndërkombëtare. Xhaçka theksoi se qeveria është gati për mbledhjen e 7 të përbashkët me qeverinë e Kosovës.
"Objektivi i dytë madhor, është zhvillimi me sukses i mandatit në Këshillin e Sigurimit. Përfaqësimi në Këshillin e Sigurimit, alokim i fondeve të posaçme shtesë në buxhetin e MEPJ. Objektivi i tretë, është forcimi i marrëdhënieve me vendet e rajonit. Shqipëria, mbështetëse e aktivitetit të Kosovës në organizatat rajonale e ndërkombëtare. Vëmendje të veçantë do të ketë edhe për marrëdhëniet me Italinë, Greqinë dhe Turqinë. Fokus është edhe bashkëpunimi dy dhe shumëpalësh me Maqedoninë e Veriut", tha Xhaçka.
Diaspora ka kaluar nën përgjegjësinë e Ministrisë së Jashtme pas shkrirjes së Ministrisë së Shtetit për Diasporën, ndërsa Ministrja Olta Xhaçka u shpreh se kjo do të risjellë risi. Xhaçka theksoi se do të ketë intensifikim të punës përgjatë 2022 dhe se qasja ndaj diasporës do të bëhet edhe më qendrore për Politikën e Jashtme. Xhaçka shtoi se Ministria e Jashtme do të jetë e angazhuar për të mbrojtur të drejtat e shqiptarëve që jetojnë jashtë vendit.
"Sa i takon marrjes nën fushën e përgjegjësisë të gjitha agjencive të diasporës dhe shkrirjes së ministrisë së Shtetit për Diasporën. Pas miratimit të strategjisë kombëtare për diasporën, Ministrisë së Jashtme i drejtohet përgjegjësia e drejtimit të kësaj strategjie dhe kjo shkrirje vjen natyrshëm dhe përmes shkrirjes së agjencive dhe ky rol i Ministrisë së jashtme, përmes unifikimit ofron një qasje më koherente drejt politikave të angazhimit të diasporës duke kombinuar drejtimet ekzistuese të politikave në një ombrellë të vetme, në vend të atij me shumë drejtime. Do vijojmë të punojmë me diasporën, ku angazhim mund të ndodhë përmes strategjisë aktuale, pro edhe i një vëmendje të shtuar. Qasja ndaj diasporës do të bëhet edhe më qendrore për Politikën e Jashtme. Mbetemi të angazhuar që të zhvillojmë dialog të qëndrueshëm në mbrojtje të të drejtave të shqiptarëve dhe besoj se kjo shkrirje do të sjellë vetëm risi dhe gjëra pozitive", u shpreh Xhaçka.
Lajme të tjera
-
Diplomati amerikan: Dialogu Kosovë-Serbi nuk do të jetë prioritet për administratën e Trumpit
23 Nëntor, 08:50 -
‘S’është koha për bashkim me Shqipërinë’, Kurti: Qëllimi i Serbisë është hakmarrja, duhet të jemi të përgatitur për këtë
22 Nëntor, 10:32 -
Kimete Berisha: E vetmuar, si dhelpra!
21 Nëntor, 21:31
-
‘Janë të pavërteta’, Policia e Kosovës mohon se e ka kaluar kufirin me Serbinë
21 Nëntor, 20:12 -
Osmani kritika Kurtit: S’mund të luajmë bixhoz me partnerët, cenohet mbrojtja e Kosovës! Askush s’ia ka dalë vetëm
21 Nëntor, 11:35 -
Qeveria e Kosovës akuzon Serbinë për legjitimim të diskriminimit të shqiptarëve
20 Nëntor, 21:37 -
Policia e Kosovës aksion në veri të vendit, gjen armë dhe uniforma ushtarake
20 Nëntor, 21:09 -
Kosovë-Shqipëri përmbyllin edicionin e tretë të Javëve Kulturore Ndërkombëtare! Zbuloni aktivitetet që do të organizohen nga data 21 deri më 30 Nëntor
20 Nëntor, 19:06 -
Thirrjet 'Serbi, Serbi', Armando Duka del kundër Kosovës: Gabuan që bojkotuan ndeshjen
20 Nëntor, 12:58 -
Kimete Berisha: Me Mickovskin kundër gjuhës shqipe
20 Nëntor, 11:20
-
Osmani i kthen dy ligje Kurtit, presidentja kërkon rishqyrtim për Këshillin e Sigurisë dhe mbrojtjen e konsumatorit
20 Nëntor, 09:42 -
Policia konfiskon armatim në veri, dyshon për lidhje me rastin Banjska
19 Nëntor, 15:54
