POP 5

Lajmet më të lexuara të 5 minutave të fundit

Politikë

Komisioni Xhafaj/ Lançohet strategjia ndërsektoriale kundër korrupsionit! Gonzato: SPAK po e ndëshkon, s’është nevoja të shpikim rrotën! Pirdeni: Shtrirje kapilare!

Qeveria lançoi strategjinë ndërsektoriale kundër korrupsionit, një dokument që synon luftën kapilare ndaj këtij fenomeni, në koordinim me të gjithë institucionet, e që buron nga detyrat për integrimin evropian. I pranishëm në këtë aktivitet, ambasadori i BE-së, Silvio Gonzato, tha se SPAK po ndëshkon, por Shqipëria duhet të bëjë më shumë në parandalimin e korrupsionit

Tiranë- Hapja e kapitujve themelorë me BE dhe progres-raporti i Komisionit Evropian, ku kërkesa për të luftuar korrupsionin zë një vend të rëndësishëm, u pasuan këtë fillim-jave edhe me prezantimin e strategjisë anti-korrupsion për periudhën 2024-2030 nga qeveria.

Për ministren Adea Pirdeni, kjo strategji do të krijojë mure mbrojtëse ndaj korrupsionit, ndërsa vetë ambasadori i BE, Silvio Gonzato e quajti dokumentin gur thelbësor në betejën ndaj korrupsionit.

Ajo çfarë kërkon BE, është veçanërisht parandalimi i korrupsionit, në kushtet kur në ndëshkimin e tij, Gonzato evidenton se SPAK ka përparuar.

Gonzato tha mes të tjerash:

 “Edhe pse raporti përgëzon arritjet e SPAK, thekson nevojën për parandalimin e korrupsionit”.

Kjo strategji, për ambasadorin e BE duhet të shërbejë si strehim edhe për problematikat që do të evidentojë Komisioni “Xhafaj”.

“Në kohën e duhur edhe në aspektin e punës që po zhvillohet në Komisionin Parlamentar që po drejtohet nga Xhafaj, do thoja që shumë prej çështjeve që komisioni do të identifikojë do të trajtohen nga zbatimi efektiv i kësaj strategjie, në këtë kuptim nuk ka nevojë të shpikim rrotën nga e para, duke përcaktuar përparësi, objektiva me afate të caktuara, përpjekjet ndaj korrupsionit përmbushen me efektivitet”.

Ndërkohë në Komisionin e drejtuar nga Fatmir Xhafaj për Mirëqeverisjen dhe Antikorrupsioninin, u zhvillua tryeza e parë e hapur, nga 12 të tilla me ekspertë.

A.Q/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    12 Dhjetor, 16:05

    Berishës iu dha zyrtarisht nga gjykata vula e PD, a do të shtohen votat?

Lajme të tjera



×

Lajmi i fundit

796 arrestime në aksion masiv të BE-së kundër krimit të organizuar,Europol: Mes grupit edhe shqiptarë

796 arrestime në aksion masiv të BE-së kundër krimit të organizuar,Europol: Mes grupit edhe shqiptarë

13 Dhjetor, 13:50