Komisoni pyetje ekspertëve për
Markun, përgjigjet të premten

Pavarësisht se Partia Socialiste është shprehur qysh në fillim se nuk e pranon amendamentin e opozitës për të ndryshuar Kushtetutën dhe për të shkarkuar Arta Markun, kjo kërkesë i është nënshtruar procedurës parlamentare, duke marrë edhe para nga buxheti i Kuvendit.

Pesë ekspertë, 3 të opozitës dhe dy të mazhorancës kanë marrë detyra nga Komisioni i Ligjeve dhe Këshilli i Legjislacionit në mbledhjen e përbashkët të këtyre dy organeve.

PD u kërkon ekspertëve të analizojnë nëse zgjedhja në 18 dhjetor e Arta Markut si Prokurore e Përgjithshme e Përkohshme ishte apo jo kushtetuese, ndërsa PS ka të tjera pyetje.

PS do të dijë se sa kohë do të duhet nga shkarkimi i mundshëm i Markut deri në zgjedhjen e Prokurorit të ri të Përkohshëm, dhe nëse është e mundur që gjyqtarët kushtetues që nuk e kanë kaluar as vetë testin e Vettingut, të mund të bëjnë një vlerësim të kandidaturave për Kryeprokuror.

Këtyre përgjigjeve ekspertët do tu përgjigjen të premten tjetër. 

s.k/Shqiptarja.com