Kompania Bankers Petroleum
shpall rezultatet e vitit 2015
PDF/ Ja të gjitha rezultatet e vitit 2015

Bankers Petroleum në vitin 2015 ka realizuar 144 milionë dollarë shpenzime kapitale me fonde të mundësuara plotësisht nga operacionet hidrokarbure, të kryera në Shqipëri. Ndërkohë gjendja e cash-it të shoqërisë në fund të vitit ishte 69 milionë dollarë. Sipas njoftimit zyrtar, prodhimi mesatar ishte 19,385 fuçi në ditë (bopd) në 2015, 6% më i ulët se viti 2014, kur prodhimi mesatar ishte 20,690 bopd. Prodhimi mesatar i naftës për vitin 2016 aktualisht është 17,425 bopd.

Shitjet e naftës ishin 19,545 bopd në 2015, me një rënie prej 5% kundrejt 20,679 bopd në 2014. Investimet ishin 51% më të ulëta. Por 61 puse, duke përfshirë 52 puse horizontalë prodhimi, katër lateralë, dy puse uji dhe një multilateral u shpuan në fushën e Patos-Marinzës. Një pus u shpua në Kuçovë. Në vitin 2014 u shpuan 160 puse. Në fund të vitit, 48 sisteme me injektim polimeri dhe 4 sisteme me injektim uji ishin active në Patos-Marinzë. 

Të ardhurat në vitin 2015 ishin 287 milionë dollarë(40.18 dollarë/fuçi) kundrejt 583 milionë dollarë (77.26 dollarë/fuçi) në 2014-ën. Çmimi i naftës bruto ishte 77% e Brent (52.39 dollarë/fuçi) kundrejt 78% e Brent (98.95dollarë/fuçi) në 2014. Ndërkohë, renta e paguar tek qeveria shqiptare ishte 40 milionë dollarë (14% e të ardhurave) gjatë vitit 2015 kundrejt 86 milionë dollarë (15% e të ardhurave) në vitin 2014. 

Kapitali bazë për mirëmbajtje në Patos-Marinëz do të kërkojë një fond shpenzimi prej 24 milionë dollarë. Ndërkohë, do të synohet për këtë vit shpimi i 16 puseve horizontalë në zonën qendrore të Patos-Marinzës gjatë gjysmës së dytë të vitit.

TAG:
• nafte