Kompensimi, 621 pronarë që do
të marrin paratë për tokën e zënë 

TIRANE-  Këshilli i Ministrave ka miratuar kompensimin financiar për 621 pronarë, tokat e të cilëve janë zënë nga ndërtimet pa leje. Përmes një Vendimi të miratuar në mbledhjen e kësaj jave, Këshilli i Ministrave ka vënë në dispozicion të kompensimit të tyre fondin prej 450 milionë lekësh (afërisht 4 milionë dollarë). “Këshilli i Ministrave vendosi shpërblimin e pronarëve për sipërfaqet takuese të pasurive të paluajtshme, pronë private, të zëna nga ndërtimet informale në qarqet e Elbasanit, Tiranës, Vlorës, Durrësit dhe Shkodrës”, thekson dokumenti qeveritar.