Kompromiset që bëjmë në jetë për të mbijetuar, në një shfaqje! Flasin balerinët e 'Monger': Ja të veçantat e baletit (VIDEO)

Do të ngjitet së shpejti në skenë, baleti “Monger” nga koreografi i njohur izraelito-amerikan dhe ndër më të vlerësuarit në baletin kontemporan, Barak Marshall.

Të ftuar në “Rreze Dielli” balerinët Dion Gjinika dhe Anxhelo Muçollari kanë treguar se cilat janë të veçantat e kësaj shfaqje.

“Monger është shfaqje nga Barac Marshall, një vepër e shkëlqyer, inteligjente dhe me humor, që ngre çështje të pushtetit, vullnetit të lirë dhe kompromisit, që të gjithë ne bëjmë për të mbijetuar. Një nga të veçantat është që ka nota të larta humori, balerinët bëjnë dialogje nnë skenë, lëvizjet janë të shpejta dhe atletike si dhe lëvizje me gjestikulacion.” shprehet Dion Gjinika.

Balerini Anxhelo Muçollari do të ketë pikërisht ‘rolin e vështirë’ ku edhe do të kërcejë, edhe do të dialogojë në skenë. Ai thotë se kjo është një pjesë komplekse, por ka punuar shumë për të.

Kemi një shfaqje komplekse, duhet të bëjmë njëkohësisht aktrim, dialog, balet, humor, është kompakte e mbledhur, duhet në një orë e pak minuta që të bësh të gjitha këto, por ne jemi pak a shumë pjesë edhe e aktrimit” shprehet balerini.

“Monger” do të ngjitet në skenë më 3 shkurt. Historia tregon për disa shërbyes të izoluar në bodrumin e shtëpisë së një zonje, që i shfrytëzon ata. Zonja simbolizohet nga një zile, e cila tingëllon, duke vënë në lëvizje balerinët.

D.M./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Dasmë në Big Brother, Heidi dhe Romeo do të martohen

Dasmë në Big Brother, Heidi dhe Romeo do të martohen