/ATSH/- Koncerti i madh elitar "Tre tenorët" rikthehet të shtunën e 31 Janarit, ora 19.00, në sallën e madhe të Pallatit të Kongreseve .

Koncerti "Tre tenorët" është kthyer tashmë në traditë prej katërmbëdhjetë vitesh dhe këtë vit, ndryshe nga tradita që zhvillohet në dhjetor është menduar për muajin janar.
Tre tenorët e nderit të këtij koncerti do të jenë tenorët nga Kosova Faik Hondozi, Liridon Sadriu dhe Rame Lahaj.

Të ftuar special do të jenë tenori I njohur shqiptar Kastriot Tusha, Ramona Tullumani dhe pjesëmarrja e veçantë e violinistit me famë ndërkombëtare, Shkelzen Doli.