POP 5

Lajmet më të lexuara të 5 minutave të fundit

Politikë

Koncesioni i hemodializës, qeveria
Ja kush është fituesi i tenderit

Pas akuzave të Partisë Demokratike mbi dhënien e koncesionit të shërbimit të hemodializës një kompanie fantazmë e pa përvojë, ka reaguar qeveria nëpërmjet portalit Transparenca.al duke sqaruar se fitues i tenderit është shpallur bashkimi i dy operatorëve ekonomikë, “Evita” Sh.p.k. dhe “American Hospital” Sh.a., pasi ky subjekt ka plotësuar kriteret e vlerësimit nga Autoriteti Kontraktor në DST.
Pas akuzave të Partisë Demokratike mbi dhënien e koncesionit të shërbimit të hemodializës një kompanie fantazmë e pa përvojë, ka reaguar qeveria nëpërmjet portalit Transparenca.al duke sqaruar se fitues i tenderit është shpallur bashkimi i dy operatorëve ekonomikë, “Evita” Sh.p.k. dhe “American Hospital” Sh.a., pasi ky subjekt ka plotësuar kriteret e vlerësimit nga Autoriteti Kontraktor në DST.
 
Më tej në reagimin e qeverisë sqarohet statusi dhe shërbimet e ofruara nga dy kompanitë fituese të tenderit të hemodializës.

Ja reagimi i plotë i qeverisë:

Lidhur me akuzën se koncesioni i shërbimit të hemodializës i është dhënë një kompanie fantazmë, pa zyrë dhe pa përvojë, sqarojmë se fitues i garës është shpallur bashkimi i dy operatorëve ekonomikë, “Evita” Sh.p.k. dhe “American Hospital” Sh.a., pasi ky subjekt ka plotësuar kriteret e vlerësimit nga Autoriteti Kontraktor në DST.
Ndërkohë për sa i përket pretendimit të opozitës se kompania fituese nuk ka përvojë, sqarojmë se “Evita” Sh.p.k. është një kompani që zotëron një licencë për tregtimin e barnave që nga muaji qershor i vitit 2013, një licencë për shërbim mjekësor nefrologjie në Lezhë që nga muaji dhjetor i vitit 2014, dhe një licencë për shërbim mjekësor nefrologjie në Korçë që prej muajit shkurt të vitit 2014.

Gjithashtu, “Evita” Sh.p.k. është përfaqësuese zyrtare e prodhuesit japonez “NIPRO”, një kompani prestigjioze ndërkombëtare e prodhimit të makinave të hemodializës, i sistemeve të trajtimit të ujit për hemodializë, si dhe materialeve mjekësore të përdorshme në shërbimin e hemodializës.
“Evita” Sh.p.k., është ndërkohë edhe përfaqësuese zyrtare e kompanive të tjera të njohura ndërkombëtare, si Johnson & Johnson, Ethicion, Cordis, Nobel, etj., dhe xhiroja vjetore e saj për vitin 2014 ishte rreth 225 milionë lekë.

Ndërkohë, “American Hospital” Sh.a. është një subjekt i mirënjohur jopublik i ofrimit të shërbimeve shëndetësore, dhe prej disa vitesh, shërbime të kujdesit shëndetësor, përfshirë edhe shërbimin e hemodializës, të financuara nga Ministria e Shëndetësisë dhe Fondi i Sigurimit të Detyrueshëm të Kujdesit Shëndetësor.

Tabela në vijim ofron një pasqyrë të numrit të përgjithshëm të pacientëve që janë trajtuar përgjatë 10 viteve të fundit, shifra të cilat dëshmojnë se vit pas viti akoma më shumë pacientë kanë akses në këtë shërbim:

tabela

Ky koncesion do ta shtrijë këtë shërbim edhe në Lezhë, Korçë dhe Vlorë, ku do t’u shërbejë fillimisht rreth 300 personave dhe deri në vitin e 10-të vlerësohet se do të arrijnë 560 persona.

Redaksia Online
(u.s/shqiptarja.com)
 

/Shqiptarja.com
  • Sondazhi i ditës: 27 Janar, 09:30

    A mendoni se vota e diasporës do të jetë përcaktuese në zgjedhje?

Lajme të tjera



×

Lajmi i fundit

Minella Aleksi: Historia nuk përsërit veten, njerëzit shpesh e bëjnë për mirë ose për keq

Minella Aleksi: Historia nuk përsërit veten, njerëzit shpesh e bëjnë për mirë ose për keq

28 Janar, 22:55 nga Minella Aleksi