Koncesioni i sterilizimit në hetim parlamentar, dëshmon ish-drejtori i spitalit Shkodër: Ia paguam ne faturat, Spaho: 9.6 mln lekë ujë e drita

Tirane- Komisioni hetimor për koncesionet në shëndetësi vijon marrjen në pyetje të ish drejtorëve lidhur me koncesionarin e sterilizimit.

Sot para deputetëvë dëshmoi ish drejtori i spitalit të Shkodrës, Ardian Dajti i cili vlerësoi koncesionarin por qiraja, uji dhe dritat janë paguar nga spitali. Deputeti i PD-së saktësoi se paga që kishte dhënë spitali për punën e koncesionarit ishte 9.6 mln lekë ujë e drita

Pjesë nga debati

LEXO EDHE:
Komisioni hetimor i Shëndetësisë merr në skaner 'sterilizimin'! Dëshmon ish drejtori i QSUT-së! Enkel Joti: S' mbaj mend! Vokshi ia lexon shkresat ku raportonte shqetësimet

Albana Vokshi: U bë e lodhshme, 8 orë pardje, e 8 orë dje. Të mos marrim më shumë se dy dëshmitarë në ditë. Fizikisht po bëhet e pamundur edhe për tu përgatitur seriozisht.

Nis dëshmia e ish drejtorit të Spitalit Shkodër, Ardian Dajti

Ardian Dajti: Nuk e kam pasur kontratën e plotë të sterilizimit kur u emërova. Koncesioni kish filluar më herët. Ju kemi dhënë ambiente për koncesionarin por nuk jam i sigurt nëse ishte me pagesë apo jo. Spitali ka pasuar të gjitha, qiranë, ujë, e drita.

Edmond Spaho:  9.6 mln lekë ujë e drita për punën e spitalit i pagoi për koncesionarin.

Ardian Dajti: Ndryshimi është shumë i madh. Jo vetëm veglat që janë të sterilizuara, por koncesionari solli edhe materialet e buta, kur ne kemi punuar me bluza të shqyera, ose me kapele që i zienim në ujë të nxehtë. Sot i kemi një përdorimshe.

Dëshmia e Bruna Mersinit

Pas dëshmisë së Ardian Dajtit në pyetje u mor Brunilda Mersini, ish drejtore e spitalit të Vlorës

Pjesë nga debati

Brunilda Mersini: Ambientet pa qera. Zbatuam kontratën, energjinë dhe ujin e pagoi spitali. 
Kam qenë në alert për shpenzimin e energjisë, sepse paguanim për Fierin, Lushnjën, Gjirokastrën dhe Sarandën. Aty sterilizoheshin 4 spitale. Kërkuan fonde shtesë dhe Ministria e Shëndetësisë na i dha. 

Albana Vokshi: Ministria ju vuri kufizime për numrin e operacioneve mujore. Si vepruat?
Brunilda Mersini: Nuk kemi pasur presione të kësaj natyre, nuk kemi pasur presion prej seteve, por planifikimet i kemi bërë për burimet njerëzore dhe hapësirat e sallave. Ne marrim masa për gjithçka që ka kosto, jo vetëm për setet. 

Brunilda Mersini: Ishim si në mbijetesë dhe sakrifica. Sot futesh me standardet e një kirurgu dhe e nis operacionin me energji pozitive. 
Ne duhet ta pranojmë revolucionin që ka ndodhur në shëndetësi. 

Ilir Pendavinji, deputet i PS: Asnjëherë qeveria dhe ne nuk kemi thënë që investimet tona janë të njëjta si në Itali. Asnjëherë. Nuk mund të shihet sterilizimi i ndarë nga komponentët e tjerë.

 

Lajmi ne perditesim... 

S.G/Shqiptarja.com

TAG:
• spitali i shkodres
• spitali i Durrësit
• Brunilda Mersini
• komisioni hetimor per shendetesine
• ardian dajti
• edmond spaho
• saniservice