Konferenca për teknologjinë
Berisha: Do avancojmë me 4G

TIRANE- Kryeministri Berisha deklaron se Shqipëria ka bërë përparime sa i përket teknologjisë.

I pranishëm në konferencën rajonale të teknologjisë, Electronic South Eastern Europe kryeministri përmendi si arritje rritjen e përdorimit të internetit dhe telefonisë celulare.

“Shqipëria është vendi i vetëm në rajon me 4 operatorë celularë. ka dhënë dy licenca për 3 g dhe parashikohet që në vitin 2012 të avancojë me teknologjine 4 G"- nënvizoi Berisha.

Kreu i qeverisë theksoi se “Shqipëria ka 10 fishuar fluksin e internetit. Përdorimi i internetit nuk njeh moshë dhe profesion”.

. "Në vitin 2005 niveli i penetrimi të internetit në vend ishte ndër më të ultit, 4.8 %. Penetrimi i telefonisë celulare sërish ishte ndër më të ultit vetëm, 30 %, ndaj dhe për qeverinë një nga objektivat më madhorë, më ambiciozë, por dhe më të vështirë, ishte Shqipëria në moshën dixhitale", u shpreh Berisha.

DIXHITALIZIMI
Kryeministri Sali Berisha theksoi sot rëndësinë e zhvillimit të teknologjisë dixhitale për të rritur transparencën ndaj qytetarëve për një qeverisje më të mirë. Për Shqiperia në moshë dixhitale, Berisha tha se në buxhetin e ardhshëm janë parashikuar 125 projekte, ku përfshihen doganat, tatimet, gjendja civile.

“Teknologjia dixhitale është leva e arkimedit per të kapërcyer kohën, për t'u ofruar qytetarëve shërbime më të mira të kohës, por për të vendurr gjithashtu në themel të veprimtarisë tonë transparencën për një qeverisje të mire" .

Berisha theksoi se i konsideron shumë të rëndësishme përpjekjet rajonale për kijimin e qendrave rajonale të inovacionit dhe teknologjisë.

Konferenca dy ditore organizohet nga Ministria e Inovacionit në bashkëpunim me Këshillin e Kooperimit Rajonal dhe UNDP. 
(s.g/Shqiptarja.com)