Një 47-vjeçar është plagosur me armë mesditën e sotme në Tropojë. Ngjarja e rëndë ka ndodhur në fshatin Luzhë të Tropojës, ku 47-vjeçari Iliaz Hoxha është qëlluar me armë nga 44-vjeçari, Afrim Kolbiba.
Ngjarja ka ndodhur në momentin kur i plagosuri gjendej në mal për të prerë dru. I plagosuri është dërguar menjëherë për në spitalin e Gjakovës, ku ndodhet në gjendje të rëndë për jetën. Policia ka bërë të mundur arrestimin e autorit të ngjarjes dhe ka nisur hetimet për zbardhjen e shkaqeve që çuan në këtë ngjarje të rëndë.