Nënkryetari i Kuvendit Agron Gjekmarkaj në një letër drejtuar gjyqtarëve të Apelit që kanë në dorë çështjen e vulës së Partisë Demokratike, i kërkon të vendosin me paanësi, duke i kërcënuar në një farë forme, se nuk duhet të guxojnë të dëmtojnë interesat e vendit.
“Asnjeri prej jush nuk mund e duhet të jete kaq guximtar sa të zvarritë një çështje që ka interes madhor publik. Vjedhja e legalitetit të Opozitës do të ishte atentati më i madh ndaj demokracisë shqiptare” shkruan Gjekmarkaj.
Gjekmarkaj thotë se çështja s'duhet të manipulohet pasi në të kundërt sipas tij do të ishte ndërhyrje në garën politike në favor të pushtetit dhe “bërje palë me armiqtë e opozitarizmit”.
Gjykata e Lartë riktheu dosjen në Apelin Gjykatës së Tiranës me detyrimin që të marrë vendim nëse gjykimi i gjyqtarit të shkallës së parë Agron Zhukri që i dha vulën Berishës, është i drejtë apo i gabuar. Trupa gjykuese përbëhet nga Alma Ahmeti relatore, Iliba Bezati dhe Elona Toro.
LETRA E PLOTË
Tiranë, më 27 Mars 2024
Lënda: Mbi nevojën për trajtimin me përparësi dhe paanësi të cështjes së “Partisë Demokratike të Shqipërisë
Drejtuar: Gjykatës së Apelit të Juridiksionit të Përgjithshëm
Të nderuar gjyqtarë,
Prej shumë kohesh një sagë e pandershme luhet mbi fatin Partisë Demokratike, partisë më të madhe të opozitës, në dyer gjykatash e cila si një “patate e nxehtë” kalon sa në një nivel në në tjetër gjykimi duke mos e ndarë ligjërisht atë që është e qartë në gjithçka e për gjithkënd. Për një parti politike në çdo manual gjenden plot përkufizime të cilat konvergojnë në faktin se aty ku është antarësia, trupa politike, deputetët, grupi parlamentar, delagatët që mblidhen në Kuvend Kombëtar, Institucionet që ai prodhon nga Kryetari, Kryesia, Këshilli Kombëtar, aty është sigla që e formojnë dhe përkufizojnë atë. Gjykatat kanë detyrën e shenjtë e të vështirë të japin drejtësi. Me këtë vetëdije PD ka votuar Reformën në Drejtësi dhe ka mbështetur drejtësinë e re. Drejtësia nuk mundet e nuk duhet të sillet si palë politike. Ajo duhet të jetë e baraslarguar njësoj nga të gjithë. Mënyra se si është trajtuar çështja e ‘vulës’ se PD-së i ka shndërruar në perceptim organet e drejtësisë për një kohë të gjatë në aleatë të pushtetit të Edi Ramës.
Opozita në çdo vend demokratik është ana tjetër e sistemit, balancuesja dhe kontrolluesja e tij. Anarkia legale për fatin e Opozitës e kompromenton rëndë çdo gjykatës që është marrë me këtë çështje duke mos e zgjidhur atë në mënyrë të qartë e përfundimtare duke bashkuar aktin juridik me vullnetin e antarësisë. Së fundmi Gjykata e Lartë përcaktoi me kompetencë dhe profesionalizëm sinoret ku Gjykata e Apelit duhet të mbështetet për ta zgjidhur në mënyrë definitive këtë çështje.
Fati i Opozitës lidhet drejtpërdrejt me fatin e Shqipërisë, me jetën demokratike në vend, me zbatimin e Kushtetutës dhe ligjit, me parimet universale të një demokracie liberale e funksionale. Kjo çështje nuk mund të zvarritet dhe nuk mund të manipulohet, sepse do të ishte një atentat i mirëfilltë, një puç konstitucional në jetën politike të vendit, një prishje e rregullave demokratike të lojës, ndërhyrje në garën politike në favor të pushtetit, duke denatyruar thelbin e sistemit dhe duke minuar jetën institucionale në vend.
“Paqja kërkon katër kushte themelore: të vërtetën; drejtësinë; dashurinë; dhe lirinë”, na mësonte Papa i madh polak Gjon Pali. Prandaj dhe Shqipëria pret prej jush!
Opozita është ajo që na ka munguar gjatë e pa të cilën ishim një popull i shtypur, një popull pa sistem drejtësie të vërtetë. Sot ju gjyqtarë të nderuar mund të kontribuoni që demokracia shqiptare të mos merret zvarrë, duke u ngritur në lartësinë e misionit fisnik që kryeni, pa u bërë palë me armiqtë e opozitarizmit. Duke shpresuar se ju do ti ktheni legalitetin PD dhe Opozitës si nocion juridik, duke njohur atë që populli dhe qytetarët ja kanë dhenë prej kohësh, ju nderoni togën, sensin e drejtësisë dhe na motivoni për t’ju mbështetur sa më shumë, pa kompromis, në pavarësinë tuaj.
E vërteta për Opozitën është e vërtetë për Shqipërinë dhe shtetin ligjor e demokratik. Ajo nuk mund të merret peng. Asnjëri prej jush nuk mund e duhet të jetë kaq guximtar sa ti dëmtojë interesat madhore të Shqipërisë, popullit të saj dhe demokracisë, duke zvarritur një çështje që ka interes madhor publik. Nëse nuk respektohet drejtësia shtetet kthehen në banda të mëdha hajdutësh. Vjedhja e legalitetit të Opozitës do të ishte atentati më i madh ndaj demokracisë shqiptare. Një guxim kësodore nuk duhet ta ketë asnjë qytetar i kësaj Republike që aspiron lirinë, demokracinë, prosperitetin, anëtarësimin në BE dhe forcimin e miqësisë me SHBA- atë.
Komente
Lajme të tjera
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Agron Gjekmarkaj: Sami Repishti iku, la pas një monument
27 Nëntor, 20:40
-
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
-
Siguria në shkolla, a po përdoren fëmijët nga Qeveria dhe Opozita?
27 Nëntor, 16:37
Nje kujtese e njekohesisht disa pyetje per z.Gjekmarkaj:Zoteri,te kujtohet kur te takonin amerikanet? Pse ishe ti pikerisht nje nga te perzgjedhurit e tyre nga opozita per takime e bisedime? Pse /t'a varen torben/ me vone? Mos valle pane tek ty,pertej fasades qe shikonin koleget e tjere dhe shqiptaret ne pergjithesi?
PërgjigjuKur nje deputet kalon caqet e kultures politike dhe kercenon haptas kushdo qe te jete duhet te japi automatikisht doreheqjen!
PërgjigjuPo ti deri dje ishe me Lulzim Bashën tani e kërkon cilen per Sali halen
Përgjigju