Gjatë fjalimit të saj përpara Kombeve të Bashkuara, ambasadorja e re e SHBA Nikki Haley fajësoi Moskën se ka ndikuar në rritjen e konfliktit.
“Duam të kemi raporte të mira me Rusinë, ndonëse situata në lindje të Ukrainës është e qartë dhe ne dënojmë aksionet e Moskës. Kriza e luftimeve në lindje të Ukrainës ka bllokuar me mijëra civilë dhe ka shkaktuar shumë shkatërrime. Përshkallëzimi i dhunës duhet ndaluar sa më shpejt” u shpreh Haley.
Në fillim të javës vëzhguesit në terren raportuan se në rajonin Donetsk pati rreth 10000 shpërthime në 24 orë.
Një deklaratë e tillë nga SHBA vjen në kohën kur Trump po përpiqet të përmirësojë marrëdhëniet me Moskën.
Redaksia Online
e.m/Shqiptarja.com