Kongresi PS, sot zgjidhet
Asambleja Kombëtare

TIRANE- Kongresi i Partisë Socialiste vijon sot me procesin e numërimit të votive për zgjedhjen e anëtarëve të Asamblesë Kombëtare. Gazeta “Shqiptarja.com” shkruan sot se lista e të përzgjedhurve për tu votuar për në Asamblenë e Partisë Socialiste, është e mbushur plot emra, që dikur kanë qenë ish bashkëpunëtorë të Fatos Nanos, e që në një mënyrë apo në një tjetër kanë qenë të mënjanuar nga PS. Numërimi ka vazhduar deri në mesnatë, për të vijuar gjatë ditës së sotme.

ASAMBLEJA KOMBETARE
Gazeta “Shqiptarja.com” shkruan sot se në listën e të përzgjedhurve janë emra si Anastas Angjeli, Agron Duka, Bashkim Zeneli, Ilir Zela, Musa Ulqini..etj.  që kanë qenë bashkëpunëtorë të ish kryetarit të PS, por pas vitit 2005, në një mënyrë apo në një tjetër, kanë qenë të distancuar nga PS. Pas 6 vjetësh pa ndonjë aktivitet të dukshëm politik, ata rikthehen në listat për të qenë direkt anëtarë të Asamblesë Kombëtare të Partisë Socialiste.(Listen e plote te emrave mund ta gjeni të publikuar sot ne Gazete)

NUMERIMI
Numërimi vazhdon në selinë PS, për shkak të lirimit të ambienteve të Pallatit të Kongresve. Automatikisht në Asamble hyjnë dhe ish kryeministra, ish kryetarë kuvendi dhe funksionarë të lartë publik si dhe kryetarët e partive të rretheve të cilët janë organizuesit e punës në bazë. Delegatët e kongresit kanë rënë të gjithë dakord që emri i Dritëro Agollit të mos votohet, por të jetë ai anëtari I 101 i Asamblesë.
Më pas do të jetë Asambleja e re, e cila do të zgjedhë kryesinë dhe sekretarët që do të jenë stafi më i afërt i kryetarit, Edi Rama.
(s.g/shqiptarja.com)