Kongresi, Rama përcakton kriteret për delegatët

Kryeministri Edi Rama ka përcaktuar mbrëmë në mbledhjen e koordinatorëve kriteret për delegatët e Kongresit të 19 marsit. Siç ishte njoftuar, të shtunën zgjidhen delegatët e Korçës, Elbasanit, Fierit e Beratit, ndërsa Tirana e Durrësit votojnë në 20 shkurt, ndërsa Lezha, Shkodra, Dibra e Kukësi në 27 shkurt. Sa u takon delegatëve, ata duhet të jenë të gjithë me arsim të lartë, dhe duhet të prevalojnë ata që vijnë nga sektori privat, me 60 %, për tu pasuar me vetëm 40 % të punësuarish në shtetet. Ashtu siç ishte njoftuar, do të respektohet barazia gjinore me 50 % gra, e 50 % burra mes delegatëve.