Konjufca tha se drafti për asociacionin ka elementë të autonomisë së serbëve, Rama: Ai nuk e ka lexuar, deklaroi çfarë i ka mësuar Kurti

 

Kryeministri Edi Rama ka përgënjeshtruar edhe njëherë deklaratën e kryeparlamentarit të Kosovës, Glauk Konjufca, i cili tha dje se draft asociacioni i hartuar nga qeveria e Shqipërisë kishte elementë të autonomisë serbe. Rama tha se gjatë takimit ata nuk kanë folur fare për draft asociacionin dhe se sipas tij, Konjufca e tha atë deklaratë pasi ashtu e ka mësuar Kurti.

"Unë me Glukun kemi pas një bisedë fantastike, unë flisja Glauku qeshte. S’kam folur asnjë fjalë për draftin. Asnjë fjalë. Por, pse i tha Glauku ato jashtë, pyesin albinin që nuk ishte në takim, jo Glaukun që ishte në takim. Glauku s’di ca është drafti, si ca duhet të thotë para kamerave pasi është konsultuar me Albinin. Kështu funksionin demokracia në Kosovë dhe unë e respektoj se kështu thotë albini, se është vendi me demokratik në Ballkan", tha Rama. 

LEXO EDHE:
Raporti i 'Reporterëve pa Kufij' për lirinë e medias, Rama: Marrim masa për të përmirësuar mjedisin mediatik dhe të drejtat e gazetarëve

Lajmi kryesor:

Kurti s’e priti në takim, Rama: Nuk shkova për t’u martuar me të, nuk ndihem i fyer! Kam për borxh ta ftoj në takimin informal me BE në Tiranë

SI.E./r.k./Shqiptarja.com

TAG:
• Dritan Abazovic
• Albin Kurti
• edi rama
• Turi Ballkanik i Ramës