Konomi, PS: Hetim akuzave të
Berishës, FRD: Eshtë qesharake

TIRANE - Kontrollet e munguara parlamentare në Ministrinë e Mbrojtjes u rikthyen në qendër të vëmendjen në Komisionin e Sigurisë Kombëtare.Temë debati ishin dhe emërimi i Visho Ajazi Likës në postin e kreut të SHISH dhe akuzat e kryeministrit Berisha ndaj ish presidentit Topi se ka lidhje me vrasjen e gjyqtarit Skerdilajd Konomi.

HETIMI I IMAMIT
Deputetët e opozitës anëtarë të këtij komisioni i kërkuan llogari kryetarit Leonard Demi mbi heshtjen e tij dhe të kryeparlamentares Jozefina Topalli ndaj vendimit të ministrit Imami për të mos lejuar kontrollet parlamentare në dikasterin e tij.

Kryetari i Komisionit Leonard Demi deklaroi se mbi këtë çështje do të respektohet rregullorja e Kuvendit dhe ministri Imami do të thirret përsëri në komision. Ai shtoi se Komisioni i Sigurisë Kombëtare s'ka asnjë hezitim përsa i përket kërkesës për kontrolluar aktivitetin e Ministrisë së Mbrojtjes.

Opozita gjithashtu theksoi se siguria në vend ka rënë ndërsa qytetarët ndjehen të terrorizuar. Ndaj dhe ajo kërkoi që komisioni të thërrasë në raport ministrin e Brendshëm mbi situatën krimininale në vend, që sipas tyre është përkeqësuar.

PS: VISHO AJAZI LIKA TE RAPORTOJE NE KOMISION
Deputeti i PS, Qefalia kërkoi të thirret në komision drejtori i Shërbimit Informativ Visho Ajazi Lika. “Jemi të painformuar për figurën e re të SHISH. Ka dyshime rreth emrit të tij"- deklaroi në komision deputeti Qefalia duke shtuar se në emërimin e tij kryeministri injoroi komisionin e sigurisë.

STERKAJ: TE VERTETOHEN AKUZAT E BERISHES PER KONOMIN
Në mbledhje deputeti socialist Paulin Stërkaj kërkoi dhe hetimin e akuzave të kryeministrit ndaj ish presidentit Topi, mbi vrasjen e gjyqtarit Skerdilajd Konomi. “Të hetohen akuzat e kryeministrit ose vetë kryeministri. T'i marrim kampionin e flokëve të Topit e ti analizojmë” - deklaroi Stërkaj. Një deklaratë e tillë u pasua me hilaritet nga anëtarët e tjerë të komisionit. Nga ana e Gazmend Oketës, deputetit I cili është dhe anëtar I FRD-së që akutalisht drejtohet nga Bamir Topi deklaroi se “ata që flasin kështu janë qesharakë”

(sg/shqiptarja.com)

TAG:
• visho ajazi lika