POP 5

Lajmet më të lexuara të 5 minutave të fundit

Bota

Kontrabandistët shqiptarë ‘përfitojnë’ nga vendimi i gjykatës së Londrës që rrëzoi planin e qeverisë britanike: Nëse keni dëshirë të vini, askush s’ju kthen më

Kontrabandistët shqiptarë po përdorin vendimin e Gjykatës së Apelit në Britani, që rrëzoi planin e qeverisë britanike për emigrantët. Dëbimi i emigrantëve në Ruanda është cilësuar i paligjshëm dhe i pa sigurt, duke bërë që shqiptarët mos të humbin fare kohe dhe të promovojnë sërish në rrjetin social Tik Tok, kalimet në kanalin e La Manshit me anije të vogla.

BRITANI E MADHE- Kontrabandistët shqiptarë po përdorin vendimin e Gjykatës së Apelit në Britani, që rrëzoi planin e qeverisë britanike për emigrantët. Dëbimi i emigrantëve në Ruanda është cilësuar i paligjshëm dhe i pa sigurt, duke bërë që shqiptarët mos të humbin fare kohe dhe të promovojnë sërish në rrjetin social Tik Tok, kalimet në kanalin e La Manshit me anije të vogla.

Prestigjiozja The Telegraph shkruan një artikull ku thuhet se bandat u thonë emigrantëve të mundshëm se vendimi i Gjykatës së Apelit të së enjtes së kaluar që parandalon fluturimet do të thotë se ata nuk do të largohen nga Mbretëria e Bashkuar.

Njëra madje mban imazhe nga një program televiziv kombëtar që raporton mbi vendimin e Gjykatës së Apelit të javës së kaluar me titullin: Nuk ka azilkërkues në Ruandë.

Mbi imazhin e lexuesit të lajmeve televizive është një titull i pankartës që ftojnë emigrantët të shkojnë.

“Nuk ka kthim për shqiptarët që shkojnë në Angli me anije. Më kontaktoni nëse dëshironi të shkoni edhe ju.”- shkruajnë ata.

Një reporter i fshehtë kontaktoi bandën që qëndron pas llogarisë TikTok, të titulluar "Shqiptari në Angli", e cila lidhej me gjysmë duzine reklamash që ofronin kalime me vlerë 3500 £ për person.

 “Nuk po i kthejnë njerëzit…nuk ka ligj që të të kthejë. Vetëm nëse keni qenë më parë në Angli dhe jeni deportuar.- shkruajnë ata.

I pyetur se kur mund të bëhej kalimi i radhës, anëtari i bandës u përgjigj: "Çdo ditë".

Pasi organizoi një mjet për të komunikuar përmes aplikacionit të mesazheve WhatsApp, reporteri shprehu shqetësimin për mundësinë e dëbimit në Ruandë.

"Ishte një propozim nga [Kryeministri] por gjykata e vendosi kundër dhe i kritikoi për sjelljen e tyre ndaj azilkërkuesve shqiptarë. Në të gjitha kalimet e mia kam familje. Asnjëri prej tyre nuk është kthyer. Unë do t'ju shkruaj për atë që ndodh më vonë.

Kjo është prova e parë e migrantëve që shfrytëzojnë vendimin e Gjykatës së Apelit. Të premten e kaluar Natalie Elphicke, deputetja e Doverit, tha për The Telegraph se kishte frikë se mund të kishte një rritje të kalimeve për shkak të vendimit që ka të ngjarë të vonojë fluturimet e para për në Ruandë deri në Vitin e Ri.

Kujtojmë se pak ditë më parë, Gjykata e Apelit në Londër rrëzoi planin e qeverisë britanike për dëbimin e emigrantëve në Ruanda. Por pavarësisht se e respektonin këtë vendim, kryeministri Rishi Sunak dhe Sekretarja e Brendshme, Suella Braverman janë shprehur se do ta apelojnë në Gjykatën e Lartë dhe se argumenti “Ruanda s’është e sigurt” është shterpë, pasi sipas tyre është.

G.MO/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu