Kontratat, Berisha në rrezik dënimi
feja i hap probleme Mërgim Mavrajt

Në kulmin e paraqitjeve të mira me ekipin e Lacios hapen sërish telashet për portierin e ekipit kombëtar të futbollit, Etrit Berisha për gafën që bëri një vit më parë duke firmosur për Lacion në një kohë që më parë kishte firmosur edhe për ekipin e Kievos por në kampionatin italian të futollit në Serie A.

Pas hetimeve të kryera nga Prokurori Federal në Federatën Italiane të Futbollit rezulton se Berisha ka shkelur rregulloren, pasi ka firmosur njëkohësisht për dy ekipe. Tashmë kërkesa e prokurorit i është dërguar Gjykatës Federale për të dhënë vendimin përfundimtar për çështjen. Në materialin e depozituar nga prokuroria në gjykatë theksohet se

“Etrit Berisha ka nënshkruar variantin e Federimit dhe kontratën me Lacion në datën 1 shtator të 2013, me dokumentet që janë depozituar në Zyrën e Federimeve të Federatës Italiane të Futbollit, edhe pse më  parë kishte nënshkruar të njëjtat dokumente si dhe kontratën me Kievon në datën 29 korrik 2013 duke shkelur në këtë mënyrë rregullin që ndalon futbollistët të nënshkruajë kërkesa federimi me disa ekipe në të njëjtin sezon sportiv” thuhet në kërkesën për gjykim.

Berisha rrezikon dënim me gjobë deri në përjashtim në disa muaj nëse do të shpallet fajtor nga gjykata.

Këlni kontrollon 'Fb' e Mavrajt

Ndërsa feja duket se i ka hapur telashe lojtarit të ekipit kombëtar të futbollit Mërgim Mavraj, i cili luan me Këlnin në Gjermani. Klubi i Këlnit mund të kontrollojë faqen zyrtare të Facebook dhe t’i pengojë publikimin e videove me tematikë fetare, pasi mbrojtësi ka rënë pre e fushatave islamike, si në rastin e fotos me Kuranin. Mavraj ka postuar në facebook një video të “Gjeneratës së Islamit”, që më pas është fshirë.


d.b/shqiptarja.com